深井遠近馳名燒鵝 陳記燒鵝海鮮酒家

今日M佬帶我遊車河,既然去得遊車河就梗係去啲交通相對無咁方便嘅地方,所以我哋今日揀咗去深井!深井沿路嘅風景好靚,雖然無咩景點,但勝在有遠近馳名嘅燒鵝,啱晒為食嘅我哋!呢度都有好幾間燒鵝餐廳,今日就隨意咁揀咗深井陳記燒鵝海鮮酒家。

Read more

鴻仔記車仔麵 慢到餓扁放題

今日上Openrice睇吓有咩食,驚現車仔麵都有放題,價錢仲要一啲都唔貴!60分鐘任飲任食放題原價HK$88,但經Openrice買coupon,可享86折,即HK$75,而3月31日前用mastercard買coupon,每個Openrice account仲可享一次性HK$30優惠,即係每位HK$45就試到呢個車仔麵放題喇!價錢上就夠晒抵,唔知質素又如何呢?

Read more

人生交叉點邊爐與韓燒 荃灣校長燒肉日韓料理

近期A姐又唔知睇咗邊套電視劇,問埋啲假設性問題:如果我同M媽跌落海,你會救邊個先?(當然A姐問得‘更’有深度啦:佢問如果我想食韓燒,M媽想食打邊爐,你會揀邊一個?)呢啲係咩問題嚟架?點解要迫人去人生交叉點?一次過食晒兩樣,大家都開心唔好咩?今日嚟到人氣強勁嘅,位於荃灣嘅校長燒肉日韓料理,有人龍嘅支持,食物一定夠新鮮啦。

Read more

飲品至強放題店 葵芳夢工房西日料理

講起葵芳,好多人都會諗起去葵廣掃街。不過,出名大食嘅M佬,掃街又點會滿足到佢嘅黑洞胃呢?所以我哋就去到葵芳花園好爵中心商場嘅夢工房西日料理食放題,估唔到午餐嘅選擇都唔少,選擇同晚餐只係差少少,但價錢就差一大截喇。

Read more

高質燒肉放題 荃灣牛太Gyuta

住港島嘅朋友成日都話唔想過海,好遠好長路程。A姐,有咩驅使你要特登過海嚟荃灣?係愛定責仼?係因為荃灣牛太新派燒肉放題!話說某一天,A姐同姊妹們High Tea,就講起喺荃灣嘅牛太,有幾好味,我哋就特登由太古去到荃灣!HK$288一位嘅華美清馥燒肉放題,有73款食物仼食!

Read more

荃灣豐富海鮮buffet 如心海景酒店Café Circles

依家啲酒店buffet,間間都主打魚生同海鮮㗎啦,仲主打貴添!不過拍拖紀念日、相識紀念日、第1000日紀念日、第3344秒紀念日、第一次熱吻紀念日,定係呀爸呀媽老爺奶奶生日,香港人都好鍾意去食buffet慶祝,而呢間位於荃灣如心海景酒店嘅Café Circles近期就推出「亞太海鮮盛宴自助晚餐」,海鮮選擇夠晒多,價錢仲要好吸引添。

Read more

尋回港式美味 葵芳文華冰廳

今日A姐話想去葵芳買嘢,我諗我只係負責幫佢拎嘢架啦,所以我先去新都會廣場食住等佢,見到大排長龍嘅原來係文華冰廳!其實冰室都係香港嘅本土傳統文化,仲記唔記得細過去冰廳食西多士、菠蘿包、蛋撻同紅豆冰呢?諗起都想食!而A姐真係計啱時間,一排到我,佢就拎住一袋二袋嚟到,同我一齊三點三。

Read more

素食星人天堂 青衣半自助餐樸生•素食

各位姊妹,每逢夏天,每個星期唔係去沙灘,就係船P,咁就當然要保持最佳狀態!減肥真係女人嘅一生使命,要食得清淡,食素就啱晒,不過又要飽肚,可以點?呢間青衣城樸生•素食,主打韓式素食半自助餐啱晒,今日就拉埋我嗰M佬陪我去試下先!

Read more

驚喜越南菜 荃灣越味皇

M佬係一個好無主見嘅人,次次問佢想食乜,佢都話叫我話事,但話咁樣係因為錫我,而唔係無主見喎!姊妹們,你哋話呢?而今日嚟到出名多嘢食嘅荃灣,佢又叫我話事啦,我真係完全唔想踩佢!跟住我行去食越味皇啦,估唔到味道都有啲驚喜。

Read more

荃灣Chalet人氣小店 品嚐高質西餐

唔知大家覺唔覺得同你嘅另一半行IKEA係一好Sweet嘅事呢?所以我同M佬得閒都會去下IKEA,講下屋企可以點設計,用咩色調。依家除咗沙田、九龍灣同銅鑼灣之外,荃灣都開咗新IKEA,梗係去睇下啦。行完要醫肚,睇下Openrice,見到Chalet有成200個笑笑面,又咁啱喺正對面,就胆粗粗去試,點知真係唔錯喎。

Read more