[5月生日飯食乜好] 10大放題抵食自助餐優惠 任食點心/海鮮火鍋/日韓放題/酒店自助餐推介

一年一度嘅生日飯就梗係要食得盡興啦,所以唔少人都鍾意食放題同自助餐慶祝生日!我哋就為大家整理咗全港10間氣氛唔錯嘅生日餐廳,推介任食點心、海鮮火鍋、日韓放題同酒店自助餐俾大家,依家預訂仲有唔少優惠,一齊為下個生日嘅朋友帶嚟美食小驚喜啦!

Read more

慢慢嘆好好味 荃灣蘇潮韓海

荃灣「火鍋之塔」嘅打邊爐多數都係任飲任食,不過好多時都會有時間限制。所以如果想慢慢嘆高質嘅打邊爐,大鴻輝「火鍋之塔」嘅蘇潮韓海都係一個唔錯嘅選擇。蘇潮韓海除咗坐得舒服,餐廳更位於大鴻輝頂層,所以景觀非常開陽,可以望到荃灣市區景色。

Read more

以Donki之名 荃灣鮮選壽司

Donki進駐香港令一眾香港人可以一解思鄉嘅心情。近日,喺荃灣海之戀更開設Donki全球第一間嘅壽司店,呢間鮮選壽司自開幕以嚟一直都大排長龍,絕對係近期人氣大熱之選!但亦有一班食客表示食完之後非常失望,所以我同M佬就嚟到鮮選壽司,睇吓係唔係真係咁令人失望啦!

Read more

主打北海道蝦湯 荃灣一幻拉麵

近年,日本有唔少拉麵名店喺香港開設分店,過江龍嚟到香港嘅一幻拉麵,主打濃郁蝦汁湯底,一直都係我哋嘅至愛!今次特登嚟到新開張,位於荃灣嘅一幻拉麵分店朝聖,因為呢度有荃灣獨家限定嘅黑蒜蝦湯,身為拉麵控嘅M佬,又點會錯過呢!

Read more

超級無敵放題夜 荃灣緣聚鮮鍋

我哋好鍾意打邊爐,有「火鍋之塔」之稱嘅荃灣大鴻輝真係細細個就聽過啦!但每次嚟到呢座「火鍋之塔」都要做好心理準備,因為嚟呢度嘅第一件事就係要有耐性排隊搭lift。好彩今次M佬夠醒目,book咗位於3樓嘅緣聚鮮鍋,唔使排隊,直接坐扶手電梯就到啦!至於緣聚鮮鍋嘅食物選擇超多,連飲品都超過30個選擇,真係超級無敵放題夜呀!

Read more

除咗大就係差 荃灣嘉樂冰廳

唔知大家會唔會好似我哋一樣,鍾意喺google map上面bookmark一啲想去嘅景點或者餐廳呢?今日嚟到荃灣發現我哋都bookmark咗唔少餐廳,其中呢間主打大大份雞蛋嘅傳統港式懷舊冰室就成為我哋嘅第一站。但原來昔日嘅人氣小店已經轉咗手,今日嚟到雖然仍有小小嘅人龍,不過食完之後,我哋就覺得味道無咩特別,唔會特別推介喇!

Read more

荃灣如心海景酒店 天空酒廊嘆鐵板餐

鐵板餐絕對係富有本地特式嘅經典食品,作為香港本土酒店品牌之一嘅荃灣如心海景酒店,就將鐵板餐帶入酒店餐廳,將鐵板餐提升至更高層次,而價錢仲好合理,所以我哋就嚟到酒店內嘅天空酒廊試吓呢個午市鐵板套餐啦!天空酒廊位於41樓,除咗可以俯瞰荃灣、青衣同遠至汀九橋嘅景色之外,飯前飯後不妨行埋旁邊連接高座同低座嘅玻璃底天橋,打卡一流㗎!

Read more

荃灣如心海景酒店 天空酒廊情人節下午茶

A姐帶我嚟到荃灣如心海景酒店玩至High Staycation(詳情:情人節浪漫住體驗 荃灣如心海景酒店),咁我都識做嘅,就帶佢去嘆個High tea,等佢打吓卡放吓閃啦!荃灣如心海景酒店41樓嘅天空酒廊喺二月份推出情人節下午茶套餐 Blooming Love in the Air,可以一邊俯瞰青衣同遠至汀九橋嘅景色,一邊品嚐三層嘅美點。喺呢兩座充滿傳奇愛情故事嘅大廈入面度過情人節,就更加有意義啦!

Read more

荃灣川龍端記茶樓 大帽山點心茶寮

大帽山係全香港最高嘅山,所以深得行山友喜愛!除此之外,喺山腰都有一間好出名嘅茶寮。無論你係唔係行山友,都可以喺荃灣港鐵站坐巴士或小巴上嚟川龍嘅端記茶樓嘆個早茶。如果你係自駕遊嘅朋友,旁邊仲有少量嘅免費車位畀你泊車添!

Read more

人生交叉點邊爐與韓燒 荃灣校長燒肉日韓料理

近期A姐又唔知睇咗邊套電視劇,問埋啲假設性問題:如果我同M媽跌落海,你會救邊個先?(當然A姐問得‘更’有深度啦:佢問如果我想食韓燒,M媽想食打邊爐,你會揀邊一個?)呢啲係咩問題嚟架?點解要迫人去人生交叉點?一次過食晒兩樣,大家都開心唔好咩?今日嚟到人氣強勁嘅,位於荃灣嘅校長燒肉日韓料理,有人龍嘅支持,食物一定夠新鮮啦。

Read more