勁玩泰國Feel 元朗Thai Market

今日M佬帶我遊車河,去到一個我聽都未聽過嘅地方:洪水橋(請原諒我孤陋寡聞)。途中見到寫住「Thai Market」嘅霓虹燈,又停咗部督督喺度,驟眼睇真係好似去咗泰國夜市呀!即刻叫M佬停車了解一吓,原來Thai Market係泰國餐廳,分為戶外同戶內,真係好有泰國feel呀!

Read more

來一場肉餅之旅 元朗屏山老地方

唔知你哋有冇玩過情侶Bingo遊戲呢?例如問題係對方鍾意咩顏色,然後一齊講個答案出嚟,睇吓答得啱唔啱,就知道有幾了解對方啦!如果講中式小菜Bingo,A姐最鍾意一定係肉餅!所以食親飯,肉餅總是常出現,咁如果成間餐廳都只係得肉餅,唔知A姐又會唔會好興奮呢!今日我哋去到元朗嘅屏山老地方,呢間舖頭超過50款肉餅選擇,A姐話連續食50日都唔會厭。

Read more

人氣沙嗲牛肉麵 元朗永順食店

近期跟住香港沙嗲牛肉麵關注組嘅推介,同A姐一齊尋訪香港各區嘅沙嗲牛肉麵,我哋分別去過港島代表嘅上環郁健快餐、九龍西代表嘅荔枝角好好運快餐店、九龍東代表嘅慈雲山榮記茶餐室,唔知你哋又有無去晒各區朝聖呢?今次我哋就嚟到新果西,呢區嘅代表就係位於元朗嘅永順食店,永順食店更加被譽為繼荔枝角好好運快餐店之後嘅另一高質推介。我哋星期六嘅朝早9點嚟到,雖然都有人龍,但因為餐廳座位多,所以唔駛排好耐,大約15分鐘就可以入座,試一試呢間名店嘅沙嗲牛肉麵啦!

Read more

元朗台灣菜 羅東肉焿番

行完山嚟到元朗,好想食碗糖水滋潤下。元朗最出名嘅涼份?「唔好啦」!不如支持一下同路小店,食下台灣甜品啦!呢間羅東肉焿番係香港首間正宗台灣肉焿店, 喺台灣宜蘭嘅總店都相當有名氣。今次我哋主要食甜品,肉焿留返下一次啦!

Read more

宵夜的滋味 元朗鬼巴士

為何深夜總是餓?餓到瞓唔著,但屋企附近只有24小時牡丹樓,所以M佬話不如揸車入元朗,食深宵限定嘅元朗鬼巴士啦!元朗鬼巴士夜晚11點先開,我哋夜晚10:45嚟到,已經有人龍喇!係咪真係咁好味先?

Read more

元朗人氣長龍放題 校長燒肉日韓料理

每年嘅12月10日喺我哋相識紀念日,不過,由於係平日,所以我哋等到weekend再慶祝!講到慶祝當然離不開壽司刺身、或者韓燒、又或者打邊爐或buffet啦。難得係5周年慶祝,不如一次過食晒佢哋落肚啦。今日我哋就去到元朗新開嘅校長燒肉日韓料理。勁多人呀,想walk-in基本係無可能,好彩我哋一早訂咗位姐。

Read more

元朗鹵家新店 一嚐食神叉燒

兩年前,因為A姐化妝扮靚遲咗出門口,食唔到元朗鹵家嘅鎮店之寶— 食神叉燒。今日,我哋決定再戰元朗鹵家,誓要食到食神叉燒!點知上網check下,發現昔日只有十個位嘅小店搬咗大舖,闊落好多!

Read more

耐人尋味 元朗老夫子餐館

唔知你係邊個年代架呢?你哋細個有無睇過老夫子呢?我A姐覺得老夫子真係好樣衰,大蕃薯又肥又矮,啲故事又唔算好好笑,但依家見到佢哋卻又回憶起好多細個嘅回憶,咩「自討苦吃」、「各有千秋」、「甘拜下風」、「世事難料」、「未雨稠繆」等等,原來以前真係好簡單。今日就去到元朗形點二期嘅老夫子餐館,同M佬一齊「耐人尋味」。

Read more

由韓國到旺角 再殺入元朗 劉在石炸雞NeNe Chicken

大熱劉在石炸雞(Ne Ne Chicken)由韓國去到旺角,但次次經過朗豪坊都大排長龍,M佬唔肯等,所以我一直都無機會食到。今日拍拖入到元朗嘅形點(Yoho Mall),竟然……竟然……大發現呀!NeNe Chicken開到入嚟元朗,由於新開無咩人知,竟然唔駛點等位,即刻同M佬試試先。 呢度總共有8款炸雞可供選擇,要食晒8款真係難啲,少食多滋味,今日就試住3款先。除咗炸雞,仲有火鍋同其他熟食,Let’s EAT!

Read more

家庭式的小滋味 元朗鹵家溫馨小店

話說我哋拍咗拖咁耐,都未試過當風箏遇上風,所以今日就入去南生圍放吓紙鳶同撲吓蝶啦! 山長水遠入到元朗,今次一於瓹窿瓹罅搵間小店試吓新味道!行過教育路,咦…五星級酒店老師傅主理?精打細算嘅A姐第一個反應就係:咁未好貴?!再望望餐牌,價錢又好合理喎,即刻入去試試呢個老師傅手勢先!

Read more