柴灣最好味沙牛麵 澤記快餐飯店

呠呠車出現咗啲小問題,所以趁下奏有時間,就拎咗去柴灣車房修理。喺修理等候期間,一於喺附近搵間茶記嘆份港式下午茶啦!好隨意就嚟到澤記快餐飯店,見網上食評都係推介澤記嘅巨大魚柳包,但因為午餐都未食,為咗飽肚就叫咗碗沙嗲牛肉麵,估唔到勁驚喜。

Read more

懷舊車仔撈麵 柴灣財記粥麵

嚟到柴灣,呢度有咩好嘢食?六歲前住喺柴灣嘅A姐就話有好嘢介紹,但當時六歲嘅佢,真係信得過?嚟到柴灣港鐵站旁邊嘅工業村,佢帶我穿過啲巷仔,嚟到財記粥麵食車仔撈麵!財記粥麵位於吉勝街熟食市場,超過60年歷史,能夠屹立多年,相信呢度嘅車仔撈麵一定有祖傳秘方!

Read more

重拾屋邨人情味 柴灣興華茶餐廳

出生於八十年代,當時住喺公屋嘅我,屋企大門係打開嘅。我哋成班小朋友都會四圍跑,一齊玩捉依因;有嘢食又會大家share;就算俾mummy鬧,大家都會聽得一清二楚;當然社區上有咩事情,大家都會好團結,呢啲就係人情味。但隨住社會進步,大家生活富足,連借鹽借糖嘅藉口都無埋,大家深居簡出,閒話少說。雖然舊社區嘅味道越嚟越淡,但我就唔認為人係比以前冷漠,至少我仲喺柴灣嘅興華茶餐廳搵到人情味。

Read more

舒服又多選擇 柴灣廉記冰室

近期喜愛打羽毛球,但一場難求,而柴灣同小西灣就相對易book,所以打完羽毛球,就同A姐以及幾個球友食飯,近近哋去到柴灣嘅環翠商場嘅廉記冰室,坐得舒服又多選擇。

Read more

為你甘去大排檔的人 柴灣竹園小館大排檔

細個係柴灣長大嘅A姐,佢話呢度充滿住無限童年回憶,佢今日話好想去行下,仲話要帶我食啲地道嘢。原來地道野,就係位於柴灣市政大廈嘅呢度嘅竹園小館大排檔!能夠有一個帶你去大排檔嘅女人,確實係唔話得。以熟食市場嚟講,呢度都算乾淨企理,街坊們就係唔係台一張枱食飯,都會飲酒,吹吓水,好有人情味!

Read more

柴灣飯堂 麗香園冰室

近呢幾個月,公司有好多唔同流言蜚語,包括人事變動、工作調配,甚至係是是非非。同事由以前好friend,到依家都有唔同自保或自私嘅想法。不過,工作上嘅轉變,唔可以話無所謂,但除咗接受就係離開架啦。反而我對其中一位同事講過嘅說話好心痛,雖然部份係聽返嚟,但有部份係我親耳聽到同感受到,令我對佢嘅信任澈底破解,可能係我太上心,對人太真情,原來人地覺得我係咁廢,當我係nothing。由於工作上feel uncomfortable,見我無咩胃口嘅M佬,就帶咗我去食啲comfort food,原來食嘢真係會令人快樂。

Read more

唔該一份常餐 柴灣民華餐廳

自從同M佬搬咗去港島區,去柴灣睇戲就成為咗我哋其中一個嘅娛樂節目。為咗趕睇7點半,想快嘅唔一定快餐嘅,常餐都唔錯架!喺柴灣地鐵站附近嘅民華餐廳,除咗常餐之外,仲有唔同嘅點心同蒸飯,充滿港式口味!而民華餐廳喺唔少地區都有分店,幾時想食常餐都好方別。

Read more