二月廿九打卡書店 半山華洋書莊Books & Co

好耐無追香港電視劇,除咗因為選擇多咗,更加接受唔到公式化嘅劇集,大結局唔使睇,都知道一定係BBQ大團圓啦!直至ViuTV推出好有誠意嘅劇集,雖然低成本小製作,但無論係鏡頭拍攝,細微嘅背景,都非常用心。其中揉合穿越、推理同愛情元素嘅《二月廿九》係一套我好喜歡嘅劇集,主角Yeesa工作嘅書店更加充滿英倫古典氣息,今日就嚟到劇集拍攝場地 – 華洋書莊Books & Co打卡啦!

Read more

豐富海鮮打邊爐 西環相馬日式火鍋

近日天氣嚴寒,最啱就梗係打邊爐啦!香港人熱愛打邊爐,所以市場上有好多火鍋店,競爭非常激烈,而相馬日式火鍋就經常推出唔同套餐,所以次次嚟都有啲新鮮感!今日就同A姐就嚟到相馬日式火鍋位於西環全新開業嘅分店,試佢嘅180分鐘特盛海鮮套餐,海鮮同肉類都係任食!

Read more

香港萬怡酒店意式放題 豪華海鮮拼盤MoMo Cafe

今次嘅Staycation同A姐嚟到萬豪國際 Marriott International 旗下,位於西營盤嘅香港萬怡酒店 Courtyard by Marriott Hong Kong。喺今次住宿嘅體驗當中,最難忘就當然係佢個海景同嗰張好舒服嘅床(詳情按此)。另外,我哋嘅晚餐都選擇喺酒店內嘅MoMo Cafe,主題係意式放題。

Read more

西環周記點心 超人氣西多士

曾幾何時,A姐見到Facebook share嘅流心西多士,成日都話想去試,但次次都大排長龍,只好放棄。見近期人流少咗,我終於帶佢去到西營盤嘅周記點心食個tea!但佢話依家已經無人share厄like喇,唔緊要啦,味道最緊要。

Read more

放暑假一家大細嘆龍蝦海鮮Buffet 港島太平洋酒店仲夏情迷法越夜

每逢屋企人生日同啲周年紀念,香港人都好鍾意去食buffet慶祝!不過近年我同M佬都少食咗buffet,因為依家啲酒店buffet真係越賣越貴,而且我哋特別多紀念日,例如拍拖紀念日、相識紀念日、第1000日紀念日、第3344秒紀念日、第一次熱吻紀念日……仲有雙方嘅生日、情人節、聖誕節……咁銀包仲得了嘅!不過,今日介紹呢間位於西營盤嘅港島太平洋酒店,喺旗下嘅中西∙環餐廳推出「仲夏情迷法越夜」自助晚餐,醒目嘅M佬見暑假就帶埋契女去食buffet,用網上預訂自助晚餐仲有7折優惠,埋單每位大人都係$326起,但呢個價錢有乜嘢食先?

Read more

特色西班牙Fusion菜 西營盤第二街BRUT

話說,M佬嘅大學同學兼死黨搬咗去西營盤,咁當然要去搞亂下佢屋企,咁先有人氣㗎嘛。嗰日途經見到有間新餐廳開幕,望落去好似幾正喎,心郁郁想去試下。就係咁,我哋抱住咩都試下嘅精神,就去咗西營盤第二街嘅BRUT,食西班牙Fusion菜。

Read more

咁至係Good Monday 西營盤Crisby Bisteo

又到一星期嘅開始,梗要嘆個豐富早餐先返工,但起身已經8點半,仲咩早餐吖,趕返工啦!但我係唔會空肚食午餐架,所以偷見客前少少時間,去到西營盤呢間好有外國feel嘅Crispy Bistro 嘆番個早餐,咁至係Good Monday!

Read more

牛魔王必食 西環616牛肉火鍋專門店

上次同M佬喺元朗食完616牛肉火鍋專門店,驚喜滿分。今日,我A姐做乖乖女,接有牛魔王之稱嘅A爸去新開張嘅西環分店,帶佢試吓唔同部位嘅牛肉風味!餐廳設計以懷舊為題,A爸話啱晒佢嘅feel,而門口仲有大大張嘅牛不同部位分佈表,食之前記住要睇清楚呀。

Read more

西環Cafe2 Oyster n Grill 必食炭燒加拿大牛仔骨

嗱!我哋A姐M佬就講到明重色輕友㗎啦! 不過有時都係要見下朋友嘅,多啲人又可以叫多啲嘢食,一於約埋P小姐同J先生去西環Cafe2 Oyster n Grill試下先,順便去埋佢哋屋企House warming! 黑松露牛肝菌雜菌湯 嘩! 嗰湯未放到我哋面前,就已經先味奪人,勁香黑松露味。質地好厚身,睇得出好足料。入口好Creamy,黑松露同牛肝菌味道好Match。加埋蒜蓉多士, 入口香脆,正呀!

Read more