全港唯一分店 山頂漢堡王

以前嘅Burger King(漢堡王)喺香港有唔少分店,但因為其中一間代理商經營不善致全線結業;而另一代理又因為受疫情影響,香港機場分店亦宣告結業。依家想食Burger King就只有最後一間位於山頂凌霄閣嘅分店。

Read more

非洲吃甚麼 Africa Coffee & Tea

講起非洲,你會諗到咩?黑人?草原?動物大遷徙?咁你又知唔知非洲菜係食咩㗎呢?為咗解決呢個疑團,我哋隨搜尋而發現,原來想喺香港食非洲菜只有三間餐廳選擇,兩間位於重慶大廈,另一間就係我哋今次嘅目的地,位於黃竹坑嘅Africa Coffee & Tea,一於嚟個非洲味蕾大旅行啦!

Read more

[糧尾救星] 抵食吉豬沙牛麵 黃竹坑南朗山發記

一個月一次嘅糧尾period又嚟喇,就梗係要搵啲抵食又飽肚嘅餐廳啦!今次介紹呢間位於黃竹坑南朗山熟食市場嘅發記,呢度除咗係糧尾救星,更加適合細食嘅朋友,因為早餐可以自由組合,想食幾多就叫幾多,豐儉由人。

Read more

人氣香濃車仔麵 灣仔車仔麵之家

喺金鐘返工嘅你,唔知會唔會覺得食lunch係一大難題呢?金鐘嘅餐廳選擇話多唔多,話少唔少,但排隊絕對係一大挑戰!有時唔想等咁耐,買件三文治同杯咖啡,咁就一餐喇!但嚟到冬天,總想食碗熱辣辣嘅麵呢!如果你都有同感,我推介呢間位於金鐘同灣仔交界嘅車仔麵之家,價錢夠晒抵,所以一直都人氣高企。雖然繁忙時間都要排隊,但始終車仔麵夠晒快手。但要留意,店內只有幾個立食位置,人多嘅話不如買外賣返office食啦!

Read more

緣份終於來到了 流記香港仔艇仔粉

近年流記艇仔粉成為大家追棒嘅對象,但想食真係唔容易?M佬話緣份到了,艇仔粉自然會黎!我驚我餓扁都未等到呀!其實只要打個電話,然後企定定喺度,架船就會嚟架喇!喺等緊艇仔粉嘅時候,M佬同我講,以前香港仔避風塘有好多漁船,佢哋靠海食海,所以主要都係食捕獲到嘅海鮮,但日日食海鮮都會悶,所以就出現咗艇仔粉,而流記香港仔艇仔粉除咗服務漁民,依家連岸邊嘅我哋都有機會食到喇。

Read more

香港仔街坊泰菜 舊大街緬泰皇宮

家住香港仔嘅A姐Y表妹,今日介紹我哋去舊大街食緬泰皇宮,仲話喺佢由細食到大嘅街坊名店,但再三提醒我哋一定要訂台,真係有無咁誇張呀!不過,我哋都乖乖聽話,一早訂定六位,同埋Y表妹一家食飯啦。到達餐廳,真係好多人,就算訂咗枱都要稍等,不過,啲嘢食真係好香,搞到我哋越等越肚餓喇。

Read more

與威威共晉自助晚餐 香港海洋公園萬豪酒店

今個weekend同A姐去玩去癲,仲去住埋香港海洋公園萬豪酒店,玩咗2日1夜!既然有得玩、有得癲,又有得住,咁食呢?所以晚餐就近近哋,試埋酒店內嘅海灣餐廳及海灣咖啡室主打嘅buffet啦!呢度食物選擇非常多,海鮮仲係WWF指認嘅「環保海鮮」!而逢星期六、日及指定日子,一班海洋公園吉祥物仲會同我哋見面同影相添!

Read more

個個都放題 唔通個個都想食金鐘四季悅咩

坊間好多放題嘅質素都麻麻,而且坐位太多,迫迫劫劫,食得都幾辛苦,唔知大家有無同感呢?之但係,去到大時大節,慶祝生日等,放題永遠都係其中一個必然選擇!個個都放題,唔通個個都想食放題咩?今日就等我A姐介紹一個高質素嘅放題選擇畀大家,記住bookmark金鐘四季悅,呢度除咗食物質素同環境一流之外,最重要係有成4個鐘嘅超長任食時間,咁下次成班friend約去放題就識揀啦!

Read more

升級牌磨菇漢堡 金鐘Triple O’s by White Spot

來自加拿大行中上價位嘅Triple O’s by White Spot,喺香港嘅分店雖然唔多,但如果講起Triple O’s唔知你又會諗起咩呢?我同M佬第一時間都諗起佢嘅磨菇漢堡!我哋越諗越想食,所以今日同M佬一於去金鐘拍拖,睇戲順便食Triple O’s by White Spot啦! 去到金鐘嘅分店,發現呢個期間限定嘅升級牌磨菇漢堡(Peppered Bacon Mushroom Melt Burger),身為蘑菇控嘅A姐雙眼已經發晒光喇!

Read more

山旮旯嘆地道風味 鴨脷洲越菜味真越

對於地理位置無乜認識而住大埔嘅A姐,佢話鴨脷洲係山旮旯地方(音:山卡啦)指偏僻之地,交通不便嘅山區或郊區」。其實,鴨脷洲有好多巴士,依家仲有地鐵直達,都唔係好遠姐,而且又有唔少好味又特色嘅餐廳小店!今日,就等我帶A姐坐南港島線去鴨脷洲啦!地鐵站一出就係全島最旺嘅鴨脷洲大街,好多餐廳都集中喺呢度,左睇右搵,直到經過味真越越南餐廳,不如就食碗撈檬,天氣熱又無胃口真係啱晒。

Read more