全港唯一分店 山頂漢堡王

以前嘅Burger King(漢堡王)喺香港有唔少分店,但因為其中一間代理商經營不善致全線結業;而另一代理又因為受疫情影響,香港機場分店亦宣告結業。依家想食Burger King就只有最後一間位於山頂凌霄閣嘅分店。

Read more

人氣香濃車仔麵 灣仔車仔麵之家

喺金鐘返工嘅你,唔知會唔會覺得食lunch係一大難題呢?金鐘嘅餐廳選擇話多唔多,話少唔少,但排隊絕對係一大挑戰!有時唔想等咁耐,買件三文治同杯咖啡,咁就一餐喇!但嚟到冬天,總想食碗熱辣辣嘅麵呢!如果你都有同感,我推介呢間位於金鐘同灣仔交界嘅車仔麵之家,價錢夠晒抵,所以一直都人氣高企。雖然繁忙時間都要排隊,但始終車仔麵夠晒快手。但要留意,店內只有幾個立食位置,人多嘅話不如買外賣返office食啦!

Read more

個個都放題 唔通個個都想食金鐘四季悅咩

坊間好多放題嘅質素都麻麻,而且坐位太多,迫迫劫劫,食得都幾辛苦,唔知大家有無同感呢?之但係,去到大時大節,慶祝生日等,放題永遠都係其中一個必然選擇!個個都放題,唔通個個都想食放題咩?今日就等我A姐介紹一個高質素嘅放題選擇畀大家,記住bookmark金鐘四季悅,呢度除咗食物質素同環境一流之外,最重要係有成4個鐘嘅超長任食時間,咁下次成班friend約去放題就識揀啦!

Read more

升級牌磨菇漢堡 金鐘Triple O’s by White Spot

來自加拿大行中上價位嘅Triple O’s by White Spot,喺香港嘅分店雖然唔多,但如果講起Triple O’s唔知你又會諗起咩呢?我同M佬第一時間都諗起佢嘅磨菇漢堡!我哋越諗越想食,所以今日同M佬一於去金鐘拍拖,睇戲順便食Triple O’s by White Spot啦! 去到金鐘嘅分店,發現呢個期間限定嘅升級牌磨菇漢堡(Peppered Bacon Mushroom Melt Burger),身為蘑菇控嘅A姐雙眼已經發晒光喇!

Read more

金鐘The Upper House奕居49樓Cafe Gray Deluxe 驚喜Fine Dining

貴為2011年 米芝蓮一星嘅Cafe Gray Deluxe,位於金鐘 The Upper House (奕居) 49樓,我只可以話佢真係永遠都畀到驚喜你!! 頭盤叫咗呢個北海道帶子,雖然切到好薄,但你都食出佢好新鮮,非常鮮甜。最正係有少少辣鱈魚子醬,食落一啲都唔寡。再配埋上面脆卜卜嘅魚皮,海藻同青瓜仔,真係好清新。呢個頭盤真係無得頂。

Read more