街坊粥粉麵飯 佐敦盛記粥麵

佐敦有好多街坊食肆,有唔少更加係臥虎藏龍添!今日就嚟到盛記粥麵,呢度主打港式嘅粥、粉、麵、飯。一碗睇落簡簡單單卻又用心嘅雲呑麵,已經充滿住幸福嘅感覺。

Read more

佐敦地道車仔麵 德運豬扒車仔麵

佐敦真係有好多抵食選擇,而講到抵食又點少得港式嘅平民美食:車仔麵!今次隨意行過,經過呢間全新開張嘅德運豬扒車仔麵,餐廳光猛企理,一於試試!

Read more

廟街精品火鍋 佐敦打邊爐

M佬今朝message我,話今晚約我去打邊爐,仲話係主打海鮮嘅精品火鍋添,我梗係say YES啦!之後佢就忙住開會,一直到我收工都無再收過佢嘅message,究竟可唔可以話我知係邊度打邊爐呀?!平時我會去到餐廳附近行吓街,再等佢OT完一齊食飯,但今日我只好無奈咁坐喺公司等到佢收工,佢陣間就知味道!終於等到佢收工,原來原來原來,今晚係去佐敦嘅打邊爐度打邊爐呀!

Read more

九龍諾富特酒店Staycation 抵食品坊自助午餐

今個長假期,M佬又帶我去玩Staycation,嚟到位於佐敦嘅九龍諾富特酒店。由於酒店已有一定年資,硬件軟件都有跡可尋,但勝在價錢夠平,兩日一夜住宿包埋自助午餐連加一都係HK$620。以價論價,加上酒店嘅品牌名氣,確實係無得輸。所以Staycation所包嘅品坊餐廳自助午餐,我哋都將貨就價,唔敢太大期望。

Read more

佐敦在地人米線推介 景霖正宗四川麻辣米線

我哋相信每一區除咗連鎖米線店,點都會有一間米線嘅代表作,所以我哋四出尋訪,推出咗在地人米線推介系列,等一班米線控同我哋一齊發掘最啱你口味嘅米線!繼屯門嘅雲貴風、灣仔嘅成都小巷、銅鑼灣嘅金西南米線之後,今次就得到佐敦在地人推介,嚟到呢間景霖正宗四川麻辣米線!如果你嗰區都有米線推介,就記住inbox話我哋知喇!

Read more

佐敦無限時打邊爐放題 鍋霸吃到飽台式養生火鍋

一個口罩將人與人之間嘅距離拉得越嚟越遠,同樣亦因為一個口罩,亦都拉近人與人之間嘅距離。呢對朋友原來已經成年無見喇!所以我同M佬特登揀咗可以食得耐,坐得舒服又唔限時嘅火鍋店,嚟到主打台式火鍋嘅鍋霸吃到飽台式養生火鍋!我哋7點半入座,食完晚餐,傾一陣計,大笑一輪,再食宵夜,食到好飽!最後以困𨋢作結,但點解無大隻消防員抱我出去架!

Read more

美國過江龍 尖沙咀Gelato-go

美國人氣雪糕店Gelato-go除咗喺美國嘅加州同佛羅里達州設有分店之外,終於喺尖沙咀開設香港首間分店。走在Gelato界尖端嘅A姐(我真係唔知有呢個界),就算近排天氣凍咗,A姐都捉我去到Gelato-Go試食雪糕!

Read more

人氣壽司店 佐敦壽司郎

兩個月前嘅某一天星期日早上,A姐見到網上有人介紹日本過江龍壽司店 – 壽司郎,就驚喜大叫,而當時仲瞓緊覺嘅我,就被9秒9拍醒,即刻換衫同佢去佐敦彌敦道嘅壽司郎朝聖喇。未夠12點就到佐敦站,當我仲諗緊早餐都無食,直接食生野會唔會肚痛嘅時候,餐廳已貼上全日已滿嘅告示,仲提醒我哋可以用apps訂位架!WHAT!有無咁誇張呀!A姐嬲爆爆咁,即刻downloads apps,但想預約平日晚餐或weekend?時間選擇唔多,仲要係2個月後……由於時間關係,2個月後……我哋終於重臨壽司郎,大量食客塞滿門口,由於我哋係預約時間前到達,所以等咗1分鐘,就可以直接入餐廳面聖喇。

Read more

名人飯堂 佐敦新新酒樓

小時候,總會跟住M媽去佐敦探公公婆婆,而佢哋就最鍾意去新樂酒店嘅新樂酒家嘆吓一盅兩件,話咩水滾茶靚喎,小時候嘅我,仲記得食住蝦餃睇兒童周刊,成家人坐埋一齊,傾吓計,呢啲就係我嘅回憶。記得先前新樂酒店進行大裝修,一度以為新樂酒家會成為我嘅記憶,但原來新樂酒家嘅原班人馬喺莊士倫敦廣場,重新打造咗新新酒樓,新新酒樓屹立半世紀,係唔少名人嘅飯堂,今日就同A姐去尋找那些年的原味道。

Read more

佐敦抵食任食火鍋 好味煌海鮮火鍋專門店

莊士倫敦廣場成棟都係餐廳,今日約咗成班姊妹出嚟聚舊,順便講吓啲男人壞話。但食飯傾計就最怕傾傾吓俾人趕走,今日去到好味煌海鮮火鍋專門店,2個半鐘任飲任食打邊爐就啱晒啦!而好味煌海鮮火鍋專門店以價錢實惠取勝,十分抵食。

Read more