荃灣豐富海鮮buffet 如心海景酒店Café Circles

依家啲酒店buffet,間間都主打魚生同海鮮㗎啦,仲主打貴添!不過拍拖紀念日、相識紀念日、第1000日紀念日、第3344秒紀念日、第一次熱吻紀念日,定係呀爸呀媽老爺奶奶生日,香港人都好鍾意去食buffet慶祝,而呢間位於荃灣如心海景酒店嘅Café Circles近期就推出「亞太海鮮盛宴自助晚餐」,海鮮選擇夠晒多,價錢仲要好吸引添。

Read more

荃灣札幌拉麵Miso No.1 下午茶平靚正

話說我哋去荃灣睇Drama,去到2點半,得返1個鐘,就諗住喺大會堂附近食啲嘢,行下行下就去咗荃新天地2期,見到札幌拉麵Miso No.1,唔理咁多,入去食啦!點知嗰下午茶又幾抵食。

Read more

粉紅少女情懷 荃灣Girl Boss by Master Kama

粉紅色,大家會諗起啲咩? 粉紅粉紅趣緻的臉? 士多啤梨味嘅勞蘇? 無論你諗起咩,呢個充滿少女情懷嘅顏色都啱晒我A姐同各位姊妹啦! 荃灣新開嘅Girl Boss by Master Kama就係用粉紅色做主色,主打女性概念,裝修同餐具都充滿粉紅元素,真係可以影無限張相,IG story見!

Read more

旅行後遺症 鮮一夜火鍋

同M佬去咗一個10幾日嘅long trip,你問我哋最掛住嘅味道,一定係打邊爐!之但係周街都係火鍋店,而位於荃灣嘅鮮一夜火鍋嘅最大賣點就係:鮑!參!翅!肚!餐廳行半放題路線,嗰套餐名叫「一夜皇御套餐」,好似好勁揪,等我哋試下掂唔掂。

Read more

澳洲和牛大戰日本和牛 荃灣稻八日式火鍋炸物放題

2017年6月3日,今日無預期嘅大雨,無預期嘅黑雨警告,但換來今年首個酷熱天氣警告!酷熱天氣警告就梗係要留喺室內嘅地方啦,無限量飲住Asashi再嘆邊爐,真係一大享受呀!我哋去咗邊?之唔係去咗荃灣稻八日式火鍋炸物放題囉!呢度嘅入門價係$158至享受價$368,8款湯底,但食日式火鍋就一定要揀壽喜燒湯底啦!我嘅寶貝A姐問究竟日式和牛好味啲吖定澳洲和牛好味啲呢?以價錢嚟睇,應該日本和牛好味啲,但口味嘅嘢,人人都唔同,一於叫晒兩款比拼吓!

Read more

原隻龍蝦大漢堡 荃灣豪嘆Sixer Burger

記得上次同A姐食完啖啖肉龍蝦之後(佢梗係食啖啖肉啦,有我幫佢剝殼喎),佢就念念不忘,問我幾時再有機會食龍蝦,仲話,有得剝殼畀佢食,係我呢生嘅榮幸添!你精我都唔笨,我今次決定搵大廚剝好晒先上枱嘅餐廳,我都要食皇帝餐呀!所以,今次就嚟到荃灣Sixer Burger,試食龍蝦包,正確啲嚟講係龍蝦漢堡包!不過,今次唔係食切件龍蝦,都唔係開邊龍蝦,係一隻原整嘅龍蝦呀!! 餐廳裝飾船為主題,所以色調以藍白色為主,仲有船舵、木桶等配合主題,環境畀人好Relax嘅感覺。突然間,呼……呼……呼……!咩聲?原來A姐開咗佢把手提風扇,話要整埋海風嘅感覺先夠Exotic,真係失禮死人呀!

Read more

我鍾意恬靜 我鍾意閒情 我鍾意M佬 我鍾意荃灣荃新天地Amo La Pasta

喺荃灣搵食真係越嚟越煩,因為真係好多選擇,由貼地嘅街邊小食、茶記冰室大排檔,定係商場中西日韓菜,總之就係好多好多嘢揀啦!個M佬又成日無意見,無所謂,真係成個港女咁(佢話佢無所謂係因為想就晒我喎),所以今日搵食又係我話事,真係好煩呀!而今日就嚟到荃灣荃新天地,一於搵間令我恬靜閒情嘅餐廳 —— Amo La Pasta —— 我鍾意呀!

Read more

綠色芥末wasabi拉麵你食過未 荃灣豚道樂Butadouraku新派拉麵店

M佬認真好鐘意食拉麵! 每次同佢去日本,落機放低行李,第一件事就係去食拉麵,熱辣辣,真係好正! 講真,香港都真係開咗好多拉麵店,唔洗飛去日本,都大把選擇! 今次我哋特登嚟到荃灣試豚道樂!

Read more