嘆日式全餐 荃灣牛之鍋
今日返工好似打仗咁，我好想打邊爐氹吓自己；另一邊嘅A姐，今日返工好似攻心計咁，佢話想食放題放縱一下！兩者似乎不可能並存嘅日本嘢，因為工作嘅壓力，我哋今日都各不相讓，仲差啲大打出手添！到我話讓步喇，佢又話唔駛，話點敢喎！費事為咗食餐飯都傷感情，不如搵吓有無一間餐廳可以一次過滿足我哋所有嘅願望啦！特登走入嚟荃灣悅來酒店商場悅來坊嘅牛の鍋，聽講種類多之餘，食物品質都唔錯，即刻出發！由港島線再轉荃灣線，好彩只係2個站就氹掂我個A姐！呼……一額汗…… 好彩今日係平日，唔駛點等位就有得入座，而食物嘅款式真好多，除咗7張放題紙，仲有1張火鍋紙，同埋出面嘅火鍋配料Bar！如果想免費食到和牛？依家只要2個人like餐廳嘅Facebook就會送你澳洲和牛一碟；而4個人like餐廳嘅Facebook就會送多碟日本黑毛和牛俾你架喇！各就各位，120分鐘START！
Read more