上環濃香越南風味 一牛越南粉專門店

有一種味道叫「地道」!今日嚟到上環,好隨意咁經過一牛越南粉專門店,門前傳來一陣濃香嘅牛肉湯味,突然回憶起以前同M佬去越南旅行,夜晚一定要食番碗熱辣辣嘅PHO做宵夜,咁先夠滿足。所以我哋今晚就食個地道越南餐啦!

Read more

還是傳統比較好 上環海安咖啡室

很多人都感嘆,兒時嘅回憶一個又一個咁慢慢消失,真係好想唱番句:「那段年月有多好,怎麼以後碰不到」。與其慨嘆,不如把握尚存嘅人、事、物。今日同M佬嚟到有半世紀歷史嘅上環海安咖啡室,海安咖啡室由1952年開業,保留舊有嘅裝修風格,彷彿坐時光機返到正值香港經濟起飛嘅六、七十年代。海安咖啡室嘅樓底好高,格仔地磚、大吊扇、紅色卡位、木桌椅,呢種就係香港懷舊冰室嘅風格。另外,餐廳亦展示咗唔少歷史照片、舊收銀機、舊風扇、舊電話,真係好似一間小小嘅博物館。

Read more

親子週末好去處 香港醫學博物館

細細個睇《妙手仁心》時,都曾經諗過做醫生,其實做醫生真係唔容易,特別係每次遇上疫症,醫生就係企喺最前線嗰位。我哋呢一代經歷過沙士、武漢肺炎,其實香港嘅醫療體制、歷史同發展又係點架呢?今個週末好去處,我哋就去到上環半山嘅香港醫學博物館,細味香港嘅醫學故事。

Read more

健康餃之味 上環囍八方

減肥絕對唔係我A姐一個人嘅目標,連近期肥咗少少,少到只係肥咗3公斤嘅M佬,都話要加入減肥行列。雖然我唔明點解只係肥咗3公斤嘅佢都要咁誇張,但難得身邊有人同你有共同目標,都係一件好事嚟嘅。我哋今日嘅晚餐就想搵啲少鹽少糖無味精嘅餐廳,結果就嚟到上環嘅囍八方,食吓自家製水餃啦!

Read more

超濃郁蕃茄湯 上環勝香園

大排檔絕對係老香港的代表,而上環嘅勝香園絕對係我最喜愛嘅傳統港式大排檔!平日食飯時間,總係大排長龍,所以今日特登同A姐揀weekend嚟,人龍無平日咁多,等咗一陣就有位啦!勝香園除咗好味,仲有人情味,因為每次嚟到,見到依舊嗰班侍應婆婆,仍然身壯力健,就覺得好安慰。

Read more

互動學習新聞價值 中環香港新聞博覽館

根據《基本法》第二十七條規定:「香港居民享有言論、新聞、出版的自由,結社、集會、遊行、示威的自由,組織和參加工會、罷工的權利和自由」。而無國界記者組織(RSF)發布嘅世界新聞自由指數,香港由2002年嘅第18名,至2020年已下跌至第80名,究竟香港嘅傳媒定位、新聞價值以及歷史地位係點呢?今日我就同A姐嚟到香港新聞博覽館(舊址為必列啫士街街市),如果帶埋小朋友嚟,更加可以從參觀學習,了解一下香港嘅新聞發展啦!

Read more

上環南洋餐室 榮華南洋冰室

喺香港有唔少小店都好有特色,值得我哋去細味同發掘!而上環除咗有唔少舊香港情懷嘅餐廳,都有唔同嘅菜式,呢間榮華南洋冰室顧名思義就係主打南洋風,由裝修以至餐牌設計都好有南洋風味,我哋放假嚟到,就享受一吓慢活嘅一天啦!

Read more

港式情懷 中環紅城粉麵

今日放假,約咗喺中環返工嘅舊同事食lunch,仲記得以前我哋喺中環返工,趕住開會嘅我哋,都只會喺附近嘅茶記食下野,就趕返公司做埋啲手尾。以前其中一間屬於我哋嘅飯堂,就係位於中環中心隔離嘅紅城冰室。隔咗好耐冇嚟,原來喺旁邊,開咗一間食粉麵為主嘅紅城粉麵,又要趕返公司開會嘅佢,一於食個快嘅午餐啦!

Read more

繼續懲罰黃店 尖沙咀水門雞飯

嘩!前面間餐廳做乜咁多人排隊嘅?行近啲原來係食泰國嘢嘅水門雞飯,鋪頭裝修好似去咗泰國,加上佢仲係黃店添,香港人就梗係要支持啦!

Read more

銅鑼灣利寶閣 高質粵菜放題

有時去酒樓餐廳叫小菜,好多樣嘢都想叫,但得我同M佬兩個人,都唔叫得多,如果想一次過食好多款,小菜放題就啱晒!嚟到銅鑼灣嘅利寶閣嘆呢個兩小時高級粵菜放題,有超過50款食物,由晚上6時至晚上10時,入單起計兩小時。星期一至四,成人HK$238 ,小童HK$119;星期五、六、日同假日,成人HK$258,小童HK$129,附加茶芥同加一服務費。即刻試試。

Read more