久違嘅潮州粥打冷 紐約波記潮州小食

喺外國嘅唐人街,中菜嘅選擇離不開港式點心、廣東小菜、川湘麻辣同上海滬菜,潮州菜真係完全無見過。我哋仲聽過唔少潮州打冷嘅大廚,移民後轉做廣東小菜,唔通想食潮州打冷就一定要返香港?原來喺紐約唐人街就俾我哋發現呢間食潮州菜嘅波記潮州小食(Bo Ky),終於食到久違嘅潮洲打冷喇!

Read more

抵食潮州打冷 旺角明記潮館

喺大排檔食潮州打冷都真係麻甩嘅浪漫!其實潮州菜係中國南方傳統地道飲食文化,而潮州菜嚟到香港之後,亦加入唔少地道元素,而我哋就習慣叫潮州菜做打冷。食打冷唔一定要去大排檔嘅,特別係帶住A姐,坐得舒服,嘢又夠好食就最重要。今次重臨旺角嘅明記潮館,呢度嘅潮州菜味道依舊唔錯,仲有海鮮同小菜等選擇,重點係份量超多!

Read more

雀局督波兼食飯 佐敦名峻會

疫情終於緩和,我哋可以約埋朋友仔去食晚飯喇!但淨係食晚飯又好似單調咗啲,所以我哋嚟到佐敦名峻會,呢度除咗可以督波,仲可以打吓麻雀,一舉三得。而且名峻會仲有好多獨立嘅房間,私隱度非常高,講吓八掛嘢都唔拍嘈到人啦!至於晚餐方面,名峻會以中菜為主,食物選擇都唔少。

Read more

銅鑼灣聚盈樓$90即享超過30款點心放題

Family Day嘅節目又點少得一家大細去飲茶呢!我哋就推介位於銅鑼灣智選假日酒店嘅聚盈樓,聚盈樓近期推出午市點心放題,每位只要$90就可以任食點心90分鐘喇!重點係唔洗等位,點心選擇又超過30款,究竟抵唔抵食,味道又點呢?即刻睇吓本文內容推介啦!

Read more

熱辣辣煲仔菜 銅鑼灣百味

冬天食小菜嘅最佳選擇就係煲仔菜,因為夠晒熱辣辣又非常惹味!位於銅鑼灣新開嘅百味,餐廳主打粵菜同川菜,所以餐牌選擇非常多,廣東小炒同麻辣選擇都有,當然唔少得煲仔菜啦,真係胃口大開,一定要叫多兩碗白飯靚仔先!

Read more

爆汗食辣之旅 銅鑼灣川滿居

呢啲天氣,最啱就係食辣野,出一身汗,咁就夠晒暖笠笠啦!其實我哋兩個平時都鍾意食辣嘢挑戰自己,但有唔少川菜餐廳,都曾經令我哋失望過。今日嚟到位於銅鑼灣嘅川滿居,餐廳嘅辣度好有層次,食到我哋爆晒汗,飲水都唔能夠撲熄我哋嘅慾火呀!

Read more

你係阿熙 銅鑼灣蛇王熙

你係阿熙?你真係阿熙?大家唔好誤會,講緊嘅呢位阿熙係前身蛇王二老店嘅店長 – 羅長熙。呢位阿熙喺銅鑼灣波斯富街開設全新嘅蛇王熙,餐廳主打蛇羹。正所謂「秋風起,三蛇肥」,所以今日我哋就嚟到蛇王熙嘆吓蛇宴啦!

Read more

入冬熱辣辣 天后見見面

天氣涼咗凍咗,終於有啲秋冬天氣嘅感覺喇!見天氣涼浸浸,最好就係食啲辣嘢暖吓身啦!加上天氣凍冰冰,所以都唔想去得太遠,嚟到屋企附近,位於天后新開嘅一間川菜料理:見見面。

Read more

自設自家烤爐 土瓜灣六叔燒鵝

點心同燒臘呢兩樣嘢,真係得香港先係最好味,去到外國真係食唔到架!今日坐屯馬線,嚟到土瓜灣嘅六叔燒鵝,呢度設有自家嘅烤爐,所以出品都有保證。講到六叔燒鵝嘅名物當然係燒鵝啦,聽啲街坊講,燒鵝皮脆肉嫩,我哋一於嚟試試!

Read more

屋邨調景嶺潮打冷 駟馬拖車潮州飯店

駟馬拖車,其實係咩嚟?原來駟馬拖車係廣東潮汕地區一種大宅院,院內有好多院落、好多天井,係富豪人家嘅屋企。以大富人家嘅宅院命名,位於將軍澳調景嶺嘅駟馬拖車潮州飯店,令呢一餐潮洲打冷一啲都唔麻甩,仲多咗份心思添。

Read more