從歷史看香港故事 九龍城石屋家園

雖然近年香港有唔少嘅歷史被消失,但保留落來嘅古蹟,你又有去認識嗎?我哋無意中經過九龍城嘅時候,就發現呢個已被活化嘅石屋家園。其實喺香港,能夠成功活化嘅項目唔多,好多古蹟一係過度商業化,一係就宣傳不足,而石屋家園相信就係後者。如果大家路過九龍城嘅時候,不妨花少少時間參觀一吓石屋家園,影相打卡同時,認識二戰後嘅香港家園。

Read more

任飲任食泰式放題打邊爐 九龍城九泰泰式燒烤火鍋

九龍城被譽為「小泰國」,因為呢度有唔少由泰國人主理嘅正宗泰國餐廳!自從屯門線開通之後,多咗好多人嚟九龍城搵食,其中近期人氣大熱,主打任飲任食泰式燒烤同打邊爐嘅九泰泰式燒烤火鍋,更係香港少見,所以我哋就提早book枱,試試九泰泰式燒烤火鍋啦!

Read more

九龍城打邊爐 大邊爐火鍋店

自從宋皇臺站開通咗之後,去九龍城食飯真係方便得多,所以今日我又同M佬嚟九龍城四出搵食。九龍城有好多唔同嘅菜式,但講到我哋最鍾意嘅嘢食,當然就係打邊爐啦!原來九龍城除咗泰國菜之外,都有唔少火鍋店,所以今日就搵咗一間質素都唔錯嘅大邊爐火鍋店。

Read more

平民港式西餐廳 九龍城羊鞍餐廳

曾經,香港有好多間港式扒房,最懷念係熱辣辣嘅鐵板餐配上一杯港式特飲,真係充滿童年回懷。依家,香港嘅港式扒房越嚟越少,但原來出名食泰國嘢嘅九龍城仲有港式扒房架。今日我哋就嚟到九龍城羊鞍餐廳,唔好以為叫羊鞍餐廳就只係食羊,餐廳仲有好多選擇呀!

Read more

去九龍城從此不再遙遠 宋王臺站小泰國泰象館

自從屯馬開通之後,我哋真係好興奮,因為以後去九龍城食嘢真係方便咗好多呀!九龍城係唔少泰國人嘅聚居地,呢度有好多泰國超市同餐廳,所以呢度亦有小泰國之稱。今日我哋就嚟到呢區搵食,試吓泰象館嘅地道泰菜啦!

Read more

超嚡沙牛麵 九龍城樂園

喺唔少沙嗲牛肉麵關注組,除咗好好運同永順,位於九龍城市政大廈嘅樂園都有唔少人吹捧,當年蔡瀾食完甚至贈左一句:勝過鮑參肚翅!今日同A姐坐屯馬線嚟到九龍城,一於去樂園潮聖食碗沙嗲牛肉麵做tea啦!

Read more

尋找啟德機場的遺跡 輕鬆易行兼打卡樂富格仔山

你認識啟德機場嗎?啟德機場因為位處民居,附近更被唔少山峰包圍,所以被稱為全世界最危險嘅機場;但偏偏卻又係全世界最安全嘅機場,因為以當時嘅科技,從來無一架飛機撞落去民居嘅意外。仲記得以前喺九龍城,只要抬起頭就可以見到好近距離嘅飛機,呢個就係我哋嘅童年。不過,自從啟德機場搬咗去赤鱲角之後,好多屬於當年嘅建築物都拆卸,但原來仲有呢個格仔山!

Read more

九龍城蛋撻老字號 豪華餅店

香港嘅舊式餅店買少見少,喺九龍城就仲有一間。呢間豪華餅店接近半世紀歷史,仲繼續售賣多款港式西餅,好似瑞士卷、合桃蛋糕同紙包蛋糕,就連近年少見嘅花卷、三角朱古力等等都有。今日我哋嚟到就試咗連發哥都經常幫襯嘅蛋撻。

Read more

高質打邊爐 九龍城火鍋頭

A姐一聽到「寒冷天氣警告現正生效」,我就知道佢會話今晚去打邊爐,無他嘅滾下滾下,有幾暖粒粒㗎!今晚決定去九龍城火鍋頭,聽講佢個招牌豆腐木棉魚燉湯好正㗎!

Read more

九龍城掃街美食 味龍BBQ美食坊

平時有外國朋友嚟香港玩或者放工想買啲嘢食吓,我都好鍾意督番串燒賣或者魚蛋。其實港式小食真係好味又多選擇,唔知大家又對邊款掃街嘢食情有獨鍾呢?今日我哋路過九龍城嘅味龍BBQ美食坊,本身諗住督串小食,但見到老闆娘整緊串燒,燒得香噴噴,就係咁,我哋就就坐低開餐。

Read more