港版紅磚屋仔打卡 美孚饒宗頤文化館

放假打卡好去處?就梗係要留意A姐嘅「港去玩」專欄啦!佢成日都會計劃好行程,帶埋我呢個御用攝影師,陪佢發掘香港打卡又好玩嘅地方(但如果佢做家務都可以咁有恆心就好喇)!今日我哋嚟到位於美孚嘅饒宗頤文化館,以文化承傳為主題,將舊有嘅紅磚屋仔、白色小屋活化而成。呢度除咗打卡,亦適合大家過一個慢活文青嘅週末。

Read more

古裝中式公園 美孚嶺南之風

香港本土製作嘅古裝電視劇越嚟越少,大部份都搬咗返去大陸拍攝,甚至兩地合作出品。但回想以前嘅港產古裝片,其實都有唔少口碑佳作,好似《金枝慾孽》、《洛神》等等。至於港產古裝電視劇除咗喺片場搭景、或者喺電視城古裝街,亦好鍾意嚟到美孚嘅嶺南之風取景。今日我哋就好似坐咗時光機,嚟到古色古香嘅嶺南之風影相打卡啦!

Read more

[期間限定] 玩味大英博物館 中環置地廣場Museum Belowground

大英博物館係我哋最鍾意嘅博物館之一,以前去倫敦旅行,我哋可以喺大英博物館行大半日,因為每次總會發現一啲新事物。雖然疫情令我哋冇得飛,但原來香港依家都有玩味版大英博物館。JPS同Belowground繼上次深受大家喜愛嘅「逆時車站」後,今期喺中環置地廣場推出全新以大英博物館為靈感嘅Museum Belowdround,勁多打卡位,展覽期有限,所以我就把握時間,捉咗M佬去陪我影相打卡!

Read more

市區紅磚殖民秘景 尖沙咀訊號山花園

位於尖沙咀嘅公園,我估你諗都唔使諗就會答:九龍公園。如果叫你諗兩諗再答,可能會答:尖東市政局百周年紀念花園。但今日要介紹嘅係經常被遺忘嘅訊號山花園!訊號山花園除咗適合大家休憩之外,公園內仲有兩個充滿殖民時期嘅打卡熱點㗎!

Read more

地下鐵碰着他 中環置地廣場逆時車站 BELOWGROUND紐約風藝術打卡熱點

塗鴉喺香港代表破壞,但喺唔少地區同國家,就代表住藝術,更加係反映社會實際狀況嘅作品。位於中環嘅置地廣場除咗係名店商場,近期就舉辦咗「逆時車站」展覽,將紐約嘅地鐵車站帶到嚟香港,等我哋可以感受塗鴉壁畫嘅藝術!呢個展覽仲係免費參觀,即刻同A姐影張紐約旅行相打卡厄like啦!

Read more

北角親子好去處 百福道交通安全城

香港有4個交通安全城,分別位於北角、秀茂坪、沙田同屯門。喺我讀幼稚園嘅時候,我仲記得老師就帶我哋去到北角嘅交通安全城學習交通知識。雖然話係幼稚園嘅回憶,但其實有唔少片段亦殘存喺我腦海入邊。原來依家百福道交通安全城亦會對外開放,家長們就趁今個假期,帶埋小朋友同單車去模擬駕駛啦!

Read more

[中環好去處] 中環重現九龍皇帝 免費參觀大館墨城

近年有唔少活化建築項目,其中位於中環嘅大館可以話係眾多活化項目中最成功、最全面嘅一個。大館除咗有唔少別出心裁嘅食府,仲不時推出藝術展覽,吸引大家隔一段時間又會嚟到大館行吓。而今期嘅展覽主題就係「墨城」,當中屬於九龍皇帝嘅展品真係充滿集體回憶,啱晒大家感受藝術同時影相打卡啦!

Read more

環保通識參觀見學 香港四大回收中心

近年香港市民嘅環保意識大大提升,大家都為大自然盡一分力,例如用少咗膠袋飲筒、將垃圾回收作循環再造、而未能回收嘅就物盡其用,以減少製造廢物同減輕堆填區嘅壓力。但其實被回收嘅垃圾,佢哋之後嘅旅程又係點嘅呢?香港就有四間回收中心:T Park、WEEE Park、Eco Park同O Park1,4間中心分別負責唔同嘅回收物料,除咗適合小朋友親身嚟到上通識課,園內仲有唔少打卡位,更重要係免費參觀㗎!

Read more

[大嶼山好去處] 廚餘轉廢為能之旅 O Park1免費導賞團參觀

環保同我哋嘅生活息息相關,其實由自身開始減少製造垃圾同響應資源回收,就已經係愛護大自然嘅第一步。除咗廢紙、塑膠、金屬、玻璃同四電一腦之外,原來廚餘都可以回收。咁廚餘回收後嘅旅程又係點?香港首個將廚餘轉為電能,位於大嶼山嘅有機資源回收中心:O Park1,就可以俾大家更深入了解廚餘並唔係垃圾,仲好有用途添。參觀O Park1費用全免,除咗適合小朋友嚟上一堂通識課,原來亦有吉祥物大晒鬼,寓學習於影相打卡都唔錯㗎。

Read more

[屯門好去處] 轉廢為材 屯門WEEE Park見學

唔知你細個有無去過可樂廠、益力多廠參觀呢?或者去旅行時有無參觀啤酒廠、飛機廠呢?不如下個留港假期,去屯門WEEE Park參加免費見學參觀活動,寓學習於娛樂,了解廢電器同電子產品嘅處理同回收設施啦!WEEE Park絕對係一個適合親子嘅通識活動,而身為地球村嘅一員,我哋更加要物盡其用,減少廢物製造,為環保出一分力啦!

Read more