嘆日式全餐 荃灣牛之鍋

今日返工好似打仗咁,我好想打邊爐氹吓自己;另一邊嘅A姐,今日返工好似攻心計咁,佢話想食放題放縱一下!兩者似乎不可能並存嘅日本嘢,因為工作嘅壓力,我哋今日都各不相讓,仲差啲大打出手添!到我話讓步喇,佢又話唔駛,話點敢喎!費事為咗食餐飯都傷感情,不如搵吓有無一間餐廳可以一次過滿足我哋所有嘅願望啦!特登走入嚟荃灣悅來酒店商場悅來坊嘅牛の鍋,聽講種類多之餘,食物品質都唔錯,即刻出發!由港島線再轉荃灣線,好彩只係2個站就氹掂我個A姐!呼……一額汗…… 好彩今日係平日,唔駛點等位就有得入座,而食物嘅款式真好多,除咗7張放題紙,仲有1張火鍋紙,同埋出面嘅火鍋配料Bar!如果想免費食到和牛?依家只要2個人like餐廳嘅Facebook就會送你澳洲和牛一碟;而4個人like餐廳嘅Facebook就會送多碟日本黑毛和牛俾你架喇!各就各位,120分鐘START!

Read more

澳洲和牛大戰日本和牛 荃灣稻八日式火鍋炸物放題

2017年6月3日,今日無預期嘅大雨,無預期嘅黑雨警告,但換來今年首個酷熱天氣警告!酷熱天氣警告就梗係要留喺室內嘅地方啦,無限量飲住Asashi再嘆邊爐,真係一大享受呀!我哋去咗邊?之唔係去咗荃灣稻八日式火鍋炸物放題囉!呢度嘅入門價係$158至享受價$368,8款湯底,但食日式火鍋就一定要揀壽喜燒湯底啦!我嘅寶貝A姐問究竟日式和牛好味啲吖定澳洲和牛好味啲呢?以價錢嚟睇,應該日本和牛好味啲,但口味嘅嘢,人人都唔同,一於叫晒兩款比拼吓!

Read more

銅鑼灣定食DORAYA 可能係全香港最好食嘅吞拿魚魚生飯

我A姐諗大部分香港人同我一樣,日日食日本嘢都得!老實講,主打吞拿魚魚生飯嘅日本料理舖唔多!聽好友K先生推介,我哋就去試下位於銅鑼灣同灣仔交界嘅定食DORAYA! 舖頭細細,大概得廿個位,所以經常要等位,我哋都等咗成個鐘。

Read more