周末好去處

上年海洋公園Chill Out @ The South，有食又飲，仲有Show睇，今年推出海洋公園歌酒節，玩法雖然有少少唔同，不過同樣氣氛十足。 無疆界得獎啤酒 想一次過試晒過百款嘅啤酒？唔洗等Wine and Dine，海洋公園滿足到你，有得獎啤酒、特色手工啤，本地到東南亞同外國都應有盡有﹗我同A姐試咗Heroes Beer Co。首先叫咗亞洲啤酒杯2017金奬嘅Hangry Dount，味道清新，入口有啖啖嘅洛神花味，之後就有紅莓味，非常易入口。另外，Munchy and Poshy屬於Pale Ale，好重芒果味，原來仲有加入小紅莓、石榴同西柚，A姐飲到唔停。