【大埔紅葉情報2022】紅葉打卡好去處 烏蛟騰九担租

【大埔紅葉情報2022 – 烏蛟騰九担租】A姐話難得放假,好想去賞楓打卡。今年雖然去唔到日本,但其實香港賞楓賞紅葉嘅季節由11月尾開始,但如果當年遲咗入冬,就可能要等到12月尾或1月初先係紅葉旺季。而最熱門嘅賞楓地點當然係元朗大棠(詳情按此)啦!但A姐嫌大棠人多,又要行少少山路,如果你都有同感,不妨考慮呢個位於大埔烏蛟騰嘅紅葉秘景:九担租。

Read more

【聖誕好去處2022】大埔白鷺湖湖畔聖誕小鎮 十大打卡必玩全攻略

踏入12月,香港真係充滿聖誕氣氛,但講到最浪漫嘅聖誕節,當然就係白色聖誕啦!想過白色聖誕唔洗坐飛機嘅,坐火車就得喇!我哋嚟到大埔嘅白鷺湖互動中心,喺聖誕期間,呢度變身成為湖畔聖誕小鎮,除咗有啱晒打卡嘅10米高聖誕樹同聖誕老人之外,仲有攤位遊戲同工作坊,重點當然係飄雪效果啦!即睇十大打卡必玩全攻略,過一個濃厚氣氛嘅聖誕節。

Read more

由細食到大車仔麵 大埔萬利小食店

作為大埔舊街坊嘅我哋,萬利小食店絕對係我哋嘅童年回憶。以前中學就喺附近,早餐就食腸粉燒賣,午餐就嚟呢度買車仔麵。佢嘅濃郁湯底,真係第二道食唔到,所以每次返大埔,萬利小食店都係我哋嘅必然選擇。

Read more

大埔南歐風情 白鷺湖Billow

喺香港擁有獨立平房嘅餐廳唔多,嚟到大埔就有位於白鷺湖嘅Billow。Billow主打多國菜,除咗食物唔錯之外,更吸睛嘅係餐廳以全白色為外觀,充滿南歐風情。背景配上白鷺湖、火車同吐露港,用美景襯托菜式,真係好似去咗旅行咁。今日我哋就約埋朋友P夫婦,嚟到白鷺湖自駕遊兼瘋狂打卡啦!

Read more

地區和風食堂 大埔牛脾氣

踩單車嚟到大埔,大家明明話冇咩胃口,飲杯嘢就算,結果經過大埔牛脾氣,和風格調,加上地區嘅親民價錢,不如坐低食吓嘢,順便休息吓,再繼續行程啦。餐廳嘅面積雖大,但完全唔會有壓迫感,非常舒服,完全有旅行嘅感覺呀!

Read more

郊遊探索自然生態一日遊 大埔嘉道理農場暨植物園

Weekend放假我哋就鍾意出身汗,同陽光及大自然玩遊戲,所以我哋嚟到大埔嘅嘉道理農場暨植物園。園內分為唔同景區,亦有唔同動植物保育活動同展覽,絕對係一個適合親子探索自然生態嘅好地方。加上園內一年四季都有唔同品種嘅花卉盛開,打卡check-in,玩足一日都得㗎!

Read more

大尾督任燒任食BBQ 巴希雅海灣重慶燒烤

呢啲天氣除咗郊遊,又點少得BBQ呢?講起BBQ就一定會諗起大尾督,今日就踩單車入大尾督BBQ啦!喺大尾督有好多任燒任食嘅燒烤場,其中一間頗有名氣嘅就係巴希雅海灣重慶燒烤。巴希雅海灣重慶燒烤同平時嘅燒烤場好唔同,佢哋會先將食物用串吉好,形成串燒,大家可以好方便咁利用枱上嘅燒烤爐整熟,食得夠晒方便。

Read more

【期間限定】中秋白鷺湖賞巨型大月亮 白鷺團圓花燈許願祭

就嚟到中秋節喇,A姐M佬恭祝各位字母粉中秋節快樂!講到中秋節嘅活動,一家人食完團圓飯之後,就梗係要去賞月啦!今年玩大啲,不如摘個月亮落嚟,等A姐慢慢影相啦!我哋就嚟到大埔白鷺湖互動中心嘅白鷺團圓花燈許願祭,呢度有一個3米高嘅巨型月亮,影相超靚架!

Read more

【期開限定】大埔白鷺湖水上樂園 水上充氣競技場Flow Academy Aqua Park

近排天氣咁熱,最啱嘅消暑方法,就梗係玩水上活動啦!位於大埔嘅白鷺湖互動中心就推出期間限定嘅水上充氣競技場(Flow Academy Aqua Park)。佔地約3萬呎嘅水上充氣競技場,除咗有離心力代表嘅十米高瀡滑梯、炮彈飛人等等之外,仲可以玩埋水上障礙賽,挑戰個人極限,絕對係尖叫聲不絕。

Read more

全新人造沙灘 大埔龍尾泳灘

耗資約2億元,首個由政府興建嘅人工沙灘,位於大埔大尾督嘅龍尾泳灘,終於喺爭議聲中對外開放!沙灘全長約200米,背靠八仙嶺,面對吐露港,旁邊就係大美督同船灣淡水湖,環境真係幾靚!加上沙灘嘅設施齊全,除咗深得泳客喜歡,亦吸引咗海膽同水母(其實係人類出現咗喺佢哋居住嘅地方)。

Read more