秋風起川菜Party 尖沙咀麻辣派對

天氣凍咗,除咗打邊爐,食吓辣嘢都唔錯㗎,但個個都食辣嘢,唔通個個都食得辣嘢咩!好似我哋同埋M媽嚟到尖沙咀嘅麻辣派對食晚餐,M媽一向唔食得辣,好彩呢度嘅辣度可以自己選擇。為咗提升佢辣嘅程度,我哋一於叫大辣啦!講笑姐,我哋只係叫咗小辣。餐廳主要分為4大菜式:重慶銅盤烤桂魚、水煮系列、香鍋辣子系列同泡椒酸辣鍋系列,選擇都唔少別!

Read more

旺角宮廷打邊爐 成都老碼頭火鍋

秋天不知不覺嚟到喇,天氣涼咗,最啱就梗係打邊爐啦!大角咀有好多火鍋店、雞煲、放題、港式樣樣都有,而我同A姐今次就嚟到主打麻辣火鍋嘅成都老碼頭火鍋。雖然唔係任食,但價錢唔貴,質素仲要一啲都唔差,加上店內以宮廷為設計,真係好有旅行feel。

Read more

佐敦在地人米線推介 景霖正宗四川麻辣米線

我哋相信每一區除咗連鎖米線店,點都會有一間米線嘅代表作,所以我哋四出尋訪,推出咗在地人米線推介系列,等一班米線控同我哋一齊發掘最啱你口味嘅米線!繼屯門嘅雲貴風、灣仔嘅成都小巷、銅鑼灣嘅金西南米線之後,今次就得到佐敦在地人推介,嚟到呢間景霖正宗四川麻辣米線!如果你嗰區都有米線推介,就記住inbox話我哋知喇!

Read more

灣仔在地人米線推介 成都小巷

香港人真係好鍾意食米線,所以我哋相信每一區都會有一間米線嘅代表作。繼上次試完屯門在地人介紹嘅雲貴風(詳情:https://wp.me/p8vzXP-59O),今次就輪到住喺灣仔嘅在地人介紹我哋去試試成都小巷。原來成都小巷除咗米線,夜晚仲有雞煲食添㗎!不過,今次午餐嚟到,我哋就先試吓佢哋嘅米線啦!

Read more

啖啖香辣滋味 灣仔天府人家

天氣凍,除咗打邊爐,最啱當然係食辣嘢啦!而講起辣嘢,第一時間就會諗起川菜!我哋嚟到位於灣仔嘅天府人家,餐廳嘅裝修古色古香,除咗卡位仲有包廂,坐得好舒服,啱晒一班朋友聚舊傾計。而落order時,我擔心大食嘅M佬唔夠飽,所以除咗二人餐,仲諗緊要唔要加啲其他嘢,但店員細心提醒,話呢個餐嘅份量好多,結果真係好豐富呀,三個人食都得!另外,落單時,店員了解我哋嘅食辣程度,結果所有菜式都係正常辣度。

Read more

中環川辣 瘋狂小面

喺中環返工嘅舊同事J小姐,真係隔一排無見佢,都會囉囉攣。趁M佬出咗trip,我哋當然又要敍舊同update吓啦。今日去到中環接佢收工,再一齊喺附近搵食。佢知我係辣妹,所以今日就去瘋狂小面食四川麻辣麵,食到我哋鬼死咁hot,當然要轉場去蘭桂芳飲杯嘢啦。

Read more

灣仔川流 新派川菜

作為中國四大菜系之一嘅川菜,善用花椒、胡椒、辣椒、薑、蔥、蒜等調味料,以麻、辣、鮮、香為特色。灣仔川流將傳統川菜加入現代元素,令大家耳目一新,餐廳裝修雅致,以黑色為主,更有吧枱,玩味十足!

Read more

少有川香鍋 旺角捌壹壹

川菜除咗辣雞煲,重慶火鍋同水煮魚之外,麻辣香鍋喺香港相對少見。其實麻辣香鍋源於土家風味,係當地老百姓嘅家常菜,以麻、辣、鮮、香搭配而成。成班朋友可以各自揀自己鐘意嘅食材,自由配搭。所以今日就約咗幾個同A姐一樣愛辣嘅朋友,一齊去到旺角捌壹壹試試麻辣香鍋,點解叫捌壹壹?因為當年重慶直轄市電話區號正是811。

Read more

辣到標汗四川菜 堅尼地城十二味

A姐每次食麻辣嘢或者四川菜,都會邊食邊流鼻水,誓要用成包紙巾先得。不過佢久唔久就會辣癮發作,話要去食辣嘢,去刺激下味蕾。今日就決定去堅尼地城十二味,午餐四十至七十蚊,一個主菜包白飯同飲品,十分抵食!

Read more