潮聖韓國過江龍Cafe 海港城Terrace in Seaside

韓國被譽為Cafe之鄉,每次去韓國旅行,都會特登去一啲極具特色嘅cafe打卡。韓國嘅cafe文化其實都滲入香港,唔少過江龍嘅cafe喺香港開設分店,其中包括位於尖沙咀海港城嘅Terrace in Seaside。

Read more

尖沙咀的秘密食店 午市套餐鮨處松户

尖沙咀餐廳選擇雖然多,但既係遊客區又係商業區,晏晝食飯真係唔易搵位。嚟到位於廣東道嘅鮨處松户,餐廳屬於上樓餐廳,如果唔係有喺該區返工嘅朋友推介,我諗我都唔識嚟呢間充滿和式風格嘅餐廳呀!

Read more

讓大排檔情懷走進酒店自助餐 尖沙咀Three on Canton

香港嘅酒店自助餐雖然豐富,但食得多都會悶啦,所以餐廳不定期都會更新主題,而近期最能俘虜我個心,就係港威酒店Three on Canton嘅大排檔打冷主題喇!雖然主打本土貼地路線,但打冷出品絕不馬虎,加上海鮮、刺身、牛扒、羊脾等高質食材,選擇應有盡有,非常豐富,性價比極高。

Read more

在海港城的小清新 日式海景餐室Ohayo

由店名嘅Ohayo,就知道係一間走日系風格嘅餐廳。Ohayo位於海港城,店內以木為主調,加上海景,絕對係走和風小清新文青風格。餐廳以日式洋食作主打,真係relax又夠chill!

Read more

開胃與醒胃之間 尖沙咀川粵

呢排天氣時冷時熱,搞到胃口都麻麻,加上濕度高,最啱就係食川菜,夠開胃醒胃之餘,食返啲辣嘢仲可以驅吓寒去吓濕添!嚟到尖沙咀廣東道,除咗係shopping熱點,仲有唔少臥虎藏龍嘅餐廳,今日我哋就嚟到流尚坊嘅四川小店:川粵。川粵舖頭唔大,但嗰種川菜麻香味由踏入門口就感覺到!

Read more

尖沙咀粉色打卡餐廳 春禧堂台灣料理餐廳

依家開餐廳真係唔簡單,除咗食物嘅質素要好,如果餐廳嘅環境夠靚,有打卡影相嘅位置,絕對係一個加分嘅重點,至少A姐就係咁諗!今日嚟到位於尖沙咀中港城嘅春禧堂台灣料理餐廳,餐廳門口有一個粉藍色嘅打卡佈置,少女心嘅你真係唔可以錯過,加上餐廳可以欣賞維港兩岸景色,連食物都唔錯,值得推介。

Read more

[香港Staycation] 只有靚景嘅舊酒店 馬哥孛羅香港酒店

尖沙咀係香港一個熱門嘅旅遊點同商業區,所以呢區嘅酒店非常多,想玩Staycation嘅,呢區當然有唔少選擇!今次同M佬嘅Staycation主題,一於喺海港城唔睇價錢瘋狂shopping啦!呢個主題俾佢反完白眼之後,最終都係唔approve,我嘅計劃正式宣告失敗,我都係乖乖咁留喺今次入住嘅馬哥孛羅香港酒店啦!今次呢個馬哥孛羅香港酒店Staycation package主打貴賓室禮遇,所以一日三餐都可以喺呢度享用,即刻同大家分享今次嘅入住體驗啦!

Read more

[香港Spacation] 尋找泰國歎Spa嘅感覺 尖沙咀THANN Sanctuary Spa

講起去泰國旅行,按摩歎Spa絕對係指定動作,因為喺泰國按摩同做Spa除咗手勢好,最重要係好抵呀!加上香港人社會節奏急速,工作忙碌,甚至出現肌肉疲勞,所以做Spa真係可以舒緩一吓生活壓力。想歎正宗嘅Spa其實香港都有唔少選擇,今日我就帶M佬嚟到尖沙咀THANN Sanctuary Spa,重拾泰國歎Spa嘅感覺,等佢喺近期繁忙嘅工作下可以鬆一鬆啦(M佬:其實明明係你自己想做Spa之麻)!

Read more

台灣菜迷之小店 尖沙咀奔之食堂

今日坐船過海嚟到尖沙咀,原來新太陽廣場變咗好多,連個名都變埋做力寶太陽廣場,所以以下時間,當然又係A姐嘅shopping time!不過,佢今日竟然買唔到嘢,但行吓行吓,行到好入,發現呢間食台灣嘢小店奔之食堂。首先一讚嘅係呢間餐廳嘅服務都幾好架。

Read more

茶餐廳之過江龍 尖沙咀恆之茶居

茶餐廳明明係香港特色,都有過江龍?呢間位於力寶太陽廣場嘅恆之茶居,喺台灣都幾有名氣,賣點係港式點心、菠蘿包同蛋撻等等,而店面設計都好有香港特色。登陸香港後嘅恆之茶居,店面位置雖然唔多,但都保留唔少香港特色,而食物選擇就貴精不貴多。

Read more