御膳

男人都係鍾意食住家飯，不過近排公事繁忙，我真係無時間下廚，只可以搵間私房菜同M佬去嘆吓！觀塘嘅樓上餐廳好多，但都要識路，如果唔係有同事介紹，我都唔知原來觀塘都有私房菜，所以我就同M佬提前預約，嚟到御膳，試吓呢個花膠扒羊肚菌餐。

常言道：要留住一個男人，就要先留住佢個胃！但我A姐永遠都會輸畀呢個女人，佢就係我嘅未來皇太后 — M媽！M媽煮嘢食好拿手，連我減肥中都會忍唔住添多碗飯。所以M媽話：要留住未來新抱，就要先留住佢個胃！！今日約埋M媽食飯，我都唔敢獻醜露兩手，都係搵間口碑唔錯嘅私房菜，今次嚟到觀塘御膳，連M媽都話好得。