元朗驚喜西餐 The Yell-Owl Seafood And Grill

元朗真係好多好嘢食,所以每個人心中都有一張元朗美食地圖。除咗元朗大馬路一帶之外,今次我哋就去遠少少,嚟到朗晴邨嘅人氣西餐:The Yell-Owl Seafood And Grill。

Read more

秋天Chill開心嘆英倫風任飲任食BBQ 金鐘BRICK LANE

講到最適合秋天嘅活動,就梗係去BBQ啦,但想再Chill啲,就推介位於金鐘嘅BRICK LANE喇!BRICK LANE近期推出嘅秋日啓動燒烤派對,就有專人幫大家燒埋嘢食,成班朋友就可以輕輕鬆鬆一齊望住維港邊食邊飲嘢傾吓計,真係Chill到好多朋友。

Read more

屯門特別多牛牛 小店扒房六百田

人哋話屯門特別多牛,難得今日小編JP嚟到屯門,真係要搵吓牛牛先得。見到呢間主打石板燒嘅六百田 ,雖然舖頭細細,但提供唔同國家嘅牛扒,好似有紐西蘭、澳洲、日本、美國等地嘅選擇,原來屯門特別多牛呢個傳聞係真㗎,完全考起有選擇困難症嘅我地呀!

Read more

精緻細心的西餐 天后On the Spot Cafe Bar Restaurant

前排工作關係嚟到天后,同事帶我去On the Spot Cafe Bar Restaurant食lunch,發覺環境同食物都唔錯,所以今日就帶A姐去chill下。雖然已經去過一次,但餐廳嘅入口比較難搵,我哋都行咗唔少冤枉路。所以大家記住係喺琉璃街同電氣道交界個轉角位,先係大廈嘅入口呀!

Read more

街坊的打卡餐廳 粉嶺Steak Together

粉嶺係一個住宅區,所以呢區嘅餐廳都以街坊美食為主,西餐一向少見。但今日我哋嚟到粉嶺,竟然見到主打西餐嘅Steak Together,價錢仲要係街坊親民價,最估唔到係餐廳佈置用心,喺街坊地區都有一間可以打卡嘅西餐廳,確實驚喜!

Read more

一份寫意嘅午餐 東涌The Upper Deck

東涌嘅住宅區越嚟越多,連帶商場同餐廳都越開越多,所以東涌唔止得東薈城嘅!今日我哋就喺東涌四圍行吓,睇吓呢區嘅新發展,嚟到東涌喜來登酒店旁邊,發現呢度原來有唔少餐廳選擇。最後揀咗The Upper Deck,嘆一份寫意嘅午餐!

Read more

£10嘆高性價比牛扒 倫敦人氣扒房Flat Iron

英國出產嘅牛扒比日本、澳洲等地方低調,但都有唔少擁躉,因為英國牛肉主要係草飼,脂肪比例雖然唔高,但勝在肉味較濃,所以嚟到英國就梗係要搵間扒房鋸扒啦!如果想搵啲入門級而性價比高嘅牛扒,就一定要bookmark定Flat Iron喇!

Read more

一切從音樂開始 銅鑼灣The Musicbox Grill House & Bar

今日午餐A姐M佬就嚟到位於銅鑼灣The L Square嘅The Musicbox Grill House & Bar,由於店主係一位音樂人,所以相信食嘢嘅時候聽埋音樂,係可以為食物加分,變得更享受每一種味道呀!其實有唔少餐廳都會播歌,但係The Musicbox Grill House & Bar就有一個少見嘅打碟嘅位置,不定時會有DJ駐場,真係又chill又有feel呀!

Read more

讓我倒流時光一起親身跟你去分享 上環精緻復古餐廳:荼香

「如果可以倒流時光,你最想去邊一個時空呢?」我最想去你出世嘅時空,見證你嘅成長故事。雖然穿越時空看似無可能,但我哋就去咗位於上環嘅人氣精緻復古餐廳:荼香。原來荼香嘅老闆本身喺銅鑼灣經營一間古董店,所以餐廳有不少古董做裝飾,彷彿走進時光隧道,環境氣氛非常有格調,我哋享受食物嘅同時就分享一吓我哋嘅成長故事啦!

Read more

超高享受熟成燒肉 灣仔高質韓燒貊炙

當韓式燒烤遇上熟成牛肉,會有咩效果呢?就係好好味呀!今日M佬帶我去食好嘢,嚟到位於灣仔嘅貊炙,貊炙主打香港少見嘅韓式熟成牛肉燒烤,加上自設熟成櫃,性價比非常高!餐廳另外設有3間獨立嘅VIP房,如果有慶祝活動或傾吓生意,都非常適合架!

Read more