【山頂一日遊】 最詳盡的山頂食玩好去處 | 山頂交通、山頂美食、山頂景點、山頂行山路線及生日優惠完整攻略

係人都知太平山山頂係香港知名嘅旅遊景點,但除咗可以欣賞聞名世界嘅香港景色之外,其實山頂仲有咩玩呢?山頂嘅旅遊景點眾多,本文綜合十一個山頂景點,包括主題公園、博物館、行山郊遊路線,甚至山頂獨有嘅美食,就趁全新嘅第六代山頂纜車即將啟用,不如計劃一個山頂一日遊啦!

Read more

免費坐商務艙睇可樂收藏品 太古信望香港信望未來展覽

太古植根香港不知不覺已經150年,佢哋嘅產品、服務同我哋嘅生活息息相關,講起太古,自然會諗起太古方糖、國泰航空、太古城、太古廣場等等。而為咗慶祝太古集團成立走過一個半世紀,近期就喺中環香港海事博物館舉行期間限定嘅「信望香港 信望未來」展覽,展出好多珍貴文物及產品,最值得大家打卡當然就係可以試國泰航空全新商務客艙同欣賞可口可樂嘅收藏品啦!

Read more

親子拍拖假日遊 香港海事博物館

由紅磡至中環嘅渡輪服務重開,今日我哋就試吓呢條航線啦!渡輪航程大約16分鐘就抵達中環嘅8號碼頭,而嚟到8號碼頭,順便就去參觀埋香港海事博物館 Hong Kong Maritime Museum (HKMM)。香港海事博物館展示南中國沿岸嘅航運歷史,以及香港由漁港一躍成為中轉貨運港,以至郵輪碼頭嘅歷史同定位。

Read more

山頂大富翁夢想世界 週末拍拖打卡好去處

A姐成日都話求包養,我就包養唔起佢架喇,所以今個weekend,一於介紹個鑽石王老五俾佢識啦!呢個人住喺山頂,有錢到人人都識,佢就係大富翁喇!位於山頂廣場嘅大富翁夢想世界 Monopoly Dreams Hong Kong 係全球第一個大富翁主題館,裡面有唔同嘅打卡位同娛樂設施,無論一家大細定拍拖去玩都啱晒。今日我哋就去拜訪一吓大富翁先生,參觀一吓佢嘅大宅啦!

Read more