攻略

【耶路撒冷好去處】當我哋同身邊朋友講，我哋將會去以色列旅行，總結會得出3個反應：未去過嘅人會話好危險；去過嘅人又會話好值得；而教徒們又會話好想去。當然以巴局勢未能預計，每日甚至每分鐘都會有轉變，所以唔需要過分擔憂；至於我哋無宗教信仰，認識《聖經》故事主要都係因為以前讀教會學校。所以完全無諗過耶路撒冷會讓我哋充滿驚喜，一生人絕對要去一次耶路撒冷！

【耶路撒冷好去處】相信大家對《聖經》故事或多或少都有一定嘅認識，亦知道耶穌基督為咗救贖世人，甘願犧牲自己被釘十字架嘅事蹟。而耶穌基督由判刑至被釘十字架前，最後嘅十四個重要時刻，就被稱為苦路十四站。雖然我哋無宗教信仰，但嚟到耶路撒冷絕對唔可以錯過苦路十四站，見證基督殉難前嘅每一刻。