無限任食飛驒牛 旺角盛八火鍋放題

A姐:識咗你咁耐,你都無送過花、公仔畀我! M佬:你仲十八廿二咩?你呢個年紀應該係收鑽石、豪宅2喇! A姐:咁你有無送過吖? M佬:我都係同你夾公仔算喇! A姐:夾公仔點解會嚟到旺角盛八日式火鍋放題店? M佬:夾隻Hello Kitty畀你,你唔覺得肉酸,我都覺得醜啦!不如,同你夾啲得意嘢啦! 一入門口已經見到兩部夾公仔機,等我行埋啲睇吓有幾得意先!嘩!嘩!嘩!一部係夾龍蝦!一部係夾鮑魚㗎!但M佬佢真係好令人失望,佢咩都夾唔到囉!姊妹們,下次你地記住同個「夾公仔」高手嚟呀! 雖然無鮑魚無龍蝦,但M佬今日好豪,佢叫咗日本和牛海鮮放題,呢度嘅和牛原來係嚟自高山市嘅牧場,空運直送到港嘅飛驒牛!

Read more