荔枝角任食大閘蟹 相馬日式火鍋

早幾年因為我成日都要出trip,所以冷落咗A姐同大閘蟹,嚟到今年嘅大閘蟹季節,我唔可以再錯過喇!當我搵緊去邊度食大閘蟹嘅時候,就俾呢個「任食大閘蟹」深深所吸引。今次嚟到位於荔枝角嘅相馬日式火鍋,除咗可以任食大閘蟹,仲有日式火鍋同串燒放題,唔該俾多兩個胃我。

Read more

天后日式小店 黑木亭居酒屋

天后出名多野食,由街頭行到街尾,次次都花多眼亂,唔知食咩好呢!今日M佬就話同我去居酒屋,食吓串燒,感受一吓日本嘅氣氛。我哋就嚟到黑木亭居酒屋,餐廳地方唔大,牆身大大幅嘅壁畫,加埋唔同嘅小擺設,都有幾分大和風㗎。

Read more

沖繩木盒蒸 北角野郎蒸

想食到食物嘅原味道,最好就係蒸,而且蒸嘅烹調方法相對健康。不過蒸絕對唔係海鮮嘅專利,蒸牛肉同蒸蔬菜都可以好好味。今日我哋就去到北角嘅北角匯,試吓野郎蒸。野郎蒸主打沖繩木盒蒸,將新鮮嘅食材放入木盒內蒸,蒸完後加少少調味就食得,新鮮又好味。

Read more

歡樂的時光 銅鑼灣備長

香港人真係好辛苦,唔知點解呢個民族好似特別鍾意返工,間唔時仲要OT。放工之後嘅第一件事就係同成班人迫地鐵,再趕返屋企食飯,食飽飽,洗埋碗,沖好涼,又係時候瞓覺喇,瞓醒又係第二日返工嘅開始!所以我有時都好羨慕啲西人同日本人,放工會飲吓酒,畀自己休息吓。崇洋崇日嘅我哋,今日放工就畀自己鬆一鬆,去到銅鑼灣備長食吓串燒,飲吓嘢啦!

Read more

掛住日本更掛住名代宇奈備長炭燒鰻魚飯專門店

好多人都話疫情期間,無得去日本旅行,係今年最失落嘅一件事。而一直放喺A姐嘅我的最愛當中,就有呢間位名代宇奈備長炭燒鰻魚飯專門店。好彩,香港都有唔少日本過江龍餐廳,就算我哋飛唔到日本,都可以喺銅鑼灣希慎廣場試試呢間日本平民價嘅鰻魚飯啦!不過,真心有啲失望喎。我諗,日本餐廳都唔可以靠過江龍取代。

Read more

重臨地獄之門 銅鑼灣鬼金棒拉麵店

同我哋一樣鍾意食辣嘅你,試咗呢間日本過江龍 – 鬼金棒嘅麻辣味噌拉麵未呀?鬼金棒喺2009年登陸東京神田,主打麻辣味噌拉麵,湯底用豬骨、雞骨同鮮魚熬製超過10個鐘,加上佢哋獨創嘅5級自選麻辣,無論係食辣嘅初哥,定係想提升自己嘅嗜辣程度,都可以嚟挑戰吓!所以我哋再次嚟到銅鑼灣嘅鬼金棒拉麵店,挑戰開始。

Read more

六國酒店Staycation Package 晚餐必食放題Le Menu

近期Staycation Package好多,Weekend最好就梗係揀番個有得食又有得玩嘅酒店套票啦!而今次我哋就揀咗性價比高嘅六國酒店(詳情按此)。晚餐就選擇咗喺酒店餐廳嘅Le Menu,呢期主打極尚和風x澳洲和牛晚市任點任食放題,仲要食足4個鐘!其中部份Staycation Package已經包埋呢個放題晚餐,變相接近free咗間房畀你住。

Read more

自選石鍋湯 旺角石鍋堂

近期我哋多咗留喺屋企,唔知大家喺屋企又有咩活動呢?我哋除咗睇戲,都會打吓機,其實宅吓又有咩唔好喎?但今日要返工,我哋就去咗旺角嘅石鍋堂,食碗熱辣辣嘅烏冬為自己打打氣啦!

Read more

東薈城丼飯 牛角次男坊

今日同A姐去咗東涌Outlet行街shopping,全新開嘅東薈城2期除咗多咗好多鋪頭之外,估唔到餐廳嘅選擇都多咗好多,連A姐成日話想試嘅牛角次男坊都有。邊個話東涌無好嘢食㗎?其實牛角次男坊係日式燒肉店「牛角」嘅兄弟,主打即叫即燒嘅燒肉丼,由於我哋唔想撞晚市時間,驚人多又要排長龍,所以特登揀喺17:30前入座,原來仲有下午茶(14:30-17:30供應),夠晒抵食呀!

Read more

一支公食好西 尖沙咀嵐橋丼飯專門店

今日A姐有大會開,無得放假,得返我一支公,好可憐呀!(唔好同A姐講,其實不知幾開心,可以休息下,甩難!)既然係咁,當然要善用呢個「真•放假」,瞓到自然醒,再打下機,不過都要醫肚嘅!嚟到尖沙咀嵐橋丼飯專門店,午餐有一個足料丼飯之外,仲有沙律、關東煮同味噌湯,唔錯喎!

Read more