東薈城丼飯 牛角次男坊

今日同A姐去咗東涌Outlet行街shopping,全新開嘅東薈城2期除咗多咗好多鋪頭之外,估唔到餐廳嘅選擇都多咗好多,連A姐成日話想試嘅牛角次男坊都有。邊個話東涌無好嘢食㗎?其實牛角次男坊係日式燒肉店「牛角」嘅兄弟,主打即叫即燒嘅燒肉丼,由於我哋唔想撞晚市時間,驚人多又要排長龍,所以特登揀喺17:30前入座,原來仲有下午茶(14:30-17:30供應),夠晒抵食呀!

Read more

本気盛牛肉祭 太古城北海丼

A姐細細個住東區,佢話以前去太古城,對佢嚟講已經係好大件事!佢回憶起以前嘅海豚噴泉,依家就有人唱歌,既感動又感慨!究竟時代巨輪仲吞噬咗啲咩?同佢行完街街,喺太古城中心嘅餐廳入面,北海丼係我哋最愛嘅選擇!每日由札幌專機即日運送食材,確保新鮮。北海丼近期推出「本気盛牛肉祭」,嚴選頂級澳洲安格斯牛柳同日本鹿兒島A5和牛,一於試試。

Read more

日本燒肉過江龍 尖沙咀香港牛繁

一年一度嘅「雙五節」又嚟喇!咩叫「雙五節」?未就係M佬生日囉!不過,每年生日正日,我哋都會同媽咪嗲哋過,所以提前慶祝生日已成為我哋嘅習慣。今年因為無得去旅行,好耐無去過日本嘅M佬話好想好想食和牛,所以我就搵咗呢間日本過江龍,位於尖沙咀嘅燒肉店:牛繁。牛繁喺東京、神奈川縣、千葉縣同埼玉縣等等都有多間分店,好多人喺日本食過,都話又平又抵食,唔知香港分店又keep唔keep到呢?

Read more

「懲罰」同路小店 博多拉麵別天神

如果你想「懲罰」同路嘅良心小店,推介你哋去食銅鑼灣嘅博多拉麵別天神啦。其實,我同M佬啱啱認識嘅時候,我哋已經成日嚟食架喇(竟然帶我食拉麵,而唔係浪漫燭光晚餐囉),因為佢嘅豬骨湯底真係超濃厚,但最重要都係嗰份人情味。

Read more

人氣壽司店 佐敦壽司郎

兩個月前嘅某一天星期日早上,A姐見到網上有人介紹日本過江龍壽司店 – 壽司郎,就驚喜大叫,而當時仲瞓緊覺嘅我,就被9秒9拍醒,即刻換衫同佢去佐敦彌敦道嘅壽司郎朝聖喇。未夠12點就到佐敦站,當我仲諗緊早餐都無食,直接食生野會唔會肚痛嘅時候,餐廳已貼上全日已滿嘅告示,仲提醒我哋可以用apps訂位架!WHAT!有無咁誇張呀!A姐嬲爆爆咁,即刻downloads apps,但想預約平日晚餐或weekend?時間選擇唔多,仲要係2個月後……由於時間關係,2個月後……我哋終於重臨壽司郎,大量食客塞滿門口,由於我哋係預約時間前到達,所以等咗1分鐘,就可以直接入餐廳面聖喇。

Read more

旺角食放題慶祝 御滿屋日本料理

A姐呢個月好辛苦,佢好努力咁減肥,又做運動又食少咗好多嘢,加上工作壓力,佢終於瘦咗3磅喇。為咗慶祝呢件盛事,我今日就帶佢食放題慶祝一吓!今日嚟到旺角嘅御滿屋日本料理,肥番少少先夠cute and sexy麻!

Read more

湯底超多選擇拉麵店 尖沙咀達摩元祖麵屋

食拉麵,最重要一定係湯底,所以好多拉麵店都會研發獨家嘅湯底,務求留得住每個食客嘅胃,而呢間位於尖沙咀寶勒巷嘅達摩元祖麵屋,仲有成9款唔同湯底,包括:鈴川達摩(味噌湯拉麵)、松川達摩(豚骨醬油湯拉麵)、雪達摩(櫻花蝦味噌湯拉麵)、高崎達摩(豚骨湯拉麵)、松川達摩(雞骨醬油湯拉麵)、越谷達摩(日式咖哩湯拉麵)、姬達摩(辛辣湯拉麵)、玄端達摩(黑蒜油湯拉麵)同白河達摩(北海道3.6牛乳湯拉麵),真係食足9日都唔會重覆呀。

Read more

觀塘任飲任食六個鐘 千賀水產の鮮鍋道場

觀塘廣場不嬲都好多嘢食,好似係車仔麵、掃街小食、台式飲品,嚟掃街真係一流。但唔講唔知,原來15樓都有嘢食架。今日M佬帶我去到千賀水產の鮮鍋道場,呢度食物選擇超多,而更重要係任飲任食時限係六個鐘,真係由晚餐食到宵夜都得!

Read more

拉麵小店 北角幸拉麵

拉麵除咗係日本嘅地道美食,仲隱含住日本人嘅飲食文化同禮儀,呢間位於北角嘅拉麵小店:幸拉麵,由一踏入門口嘅日文歡迎光臨,再播放住日文歌,加上店內佈置,真係好有日本feel!呢度嘅拉麵口味有三款,包括白豚、黑豚同赤豚,仲可以根據個人口味同食量加大麵底同增加湯嘅濃度,加肉同加配料亦得。

Read more

飲品至強放題店 葵芳夢工房西日料理

講起葵芳,好多人都會諗起去葵廣掃街。不過,出名大食嘅M佬,掃街又點會滿足到佢嘅黑洞胃呢?所以我哋就去到葵芳花園好爵中心商場嘅夢工房西日料理食放題,估唔到午餐嘅選擇都唔少,選擇同晚餐只係差少少,但價錢就差一大截喇。

Read more