一份寫意嘅午餐 東涌The Upper Deck

東涌嘅住宅區越嚟越多,連帶商場同餐廳都越開越多,所以東涌唔止得東薈城嘅!今日我哋就喺東涌四圍行吓,睇吓呢區嘅新發展,嚟到東涌喜來登酒店旁邊,發現呢度原來有唔少餐廳選擇。最後揀咗The Upper Deck,嘆一份寫意嘅午餐!

Read more

[香港Staycation] 歎機場海景套房 東涌世茂喜來登酒店

東涌近年開咗好多新酒店,今日M佬就帶我嚟到東涌世茂喜來登酒店玩staycation,仲勁豪咁請我住行政海景套房,唔通我唔記得咗我哋嘅紀念日?當我入到房見到個景,我就明晒!身為飛機迷嘅M佬,咁耐無搭飛機,依家一見到飛機升降嘅跑道景,已經非常滿足!不過,東涌世茂喜來登酒店嘅行政海景套房除咗靚景,整個入住體驗都非常舒適,令我哋今次嘅staycation可以放鬆心情,真係叉足電呀!

Read more

大叔的愛運動打卡攻略 昂坪360期間限定「360 Sweatival」運動祭

夏天就梗係要同陽光玩遊戲,出身汗先夠爽啦!所以今日同A姐拍拖,坐昂坪360嚟到昂坪市集,參加昂坪360同寶礦力水特盛夏聯乘,期間限定嘅「360 Sweatival」運動祭!活動嘅揭幕禮,更邀請到黃德斌分享做運動嘅心得,我都要向佢好好學習,以練成好body嘅M佬大叔為目標。至於A姐就梗係唔會錯過呢度嘅打卡點、遊戲同表演示範,即刻睇吓呢度嘅卡打攻略,一齊「#讓每滴汗更有價值」啦!

Read more

歐洲宮殿打卡餐廳 東涌La Rosabelle Bar & Grill

同A姐一齊咗都一段時間,我哋嘅感情不知不覺都昇華咗,好耐都無好似以前咁,會為佢搞吓小驚喜。今日係我哋嘅紀念日,為咗重拾初相識嘅拍拖時刻,嚟到東涌嘅La Rosabelle Bar & Grill慶祝。餐廳主打歐洲宮殿風,一於邊打卡邊食lunch,作為今日行程嘅開始啦!

Read more

東涌Outlet名店倉 Wheatfield X 羅宋湯專門店

A姐話想去shopping,所以我哋就揸車去東涌嘅東薈城行outlet啦!不過,A姐最終竟然咩都無買到,只係好難得咁買咗幾件衛衣送俾我,唔通佢做錯事?哈哈!點都好啦,行完街就係醫肚嘅時候,今日我哋就揀咗Wheatfield X 羅宋湯專門店。

Read more

香港週末好去處 大嶼山昂坪360

留港旅行,又點少得去大嶼山玩呢?大嶼山嘅旅遊資源豐富,無論係上山下海,刺激定係文靜嘅活動都有。今日我哋帶埋屋企人去天壇大佛玩,最好就梗係坐昂坪360啦,除咗慳番好多時間,重點係坐得舒服,老人家們又唔洗兜山路,對佢哋嚟講,輕鬆得多。我哋仲選擇坐水晶車箱,夠晒興奮。

Read more

大嶼山輕鬆行 昂坪心經簡林

坐完昂坪360嚟到昂坪,除咗參拜天壇大佛同寶蓮襌寺,不如行多15分鐘,嚟埋心經簡林啦!呢度刻有《心經》嘅文章,背山面海,心情好平靜舒暢,而呢段路程以平坦石屎路為主,絕對輕輕鬆鬆就可以睇到靚景喇!

Read more

香港旅遊點的代表作 大嶼山昂坪天壇大佛

香港有好多唔同嘅旅遊景點,而香港旅遊發展局向外宣傳嘅旅遊片段,頭三名一定離不開太平山頂、維港夜景同位於大嶼山昂坪嘅天壇大佛。今日趁住好天氣,我同M佬坐昂坪360輕輕鬆鬆咁就嚟到喇!作為香港其中一個最重要嘅旅遊景點,天壇大佛嘅魅力之處又係咩呢?

Read more

東薈城丼飯 牛角次男坊

今日同A姐去咗東涌Outlet行街shopping,全新開嘅東薈城2期除咗多咗好多鋪頭之外,估唔到餐廳嘅選擇都多咗好多,連A姐成日話想試嘅牛角次男坊都有。邊個話東涌無好嘢食㗎?其實牛角次男坊係日式燒肉店「牛角」嘅兄弟,主打即叫即燒嘅燒肉丼,由於我哋唔想撞晚市時間,驚人多又要排長龍,所以特登揀喺17:30前入座,原來仲有下午茶(14:30-17:30供應),夠晒抵食呀!

Read more

一網打盡大嶼山 旅遊食買玩好去處

疫情期間,連想去旅行鬆鬆抖吓氣嘅機會都無。我哋一於話在當下,放假嘅時候四圍玩,盡量讓假期,過得似旅行啦!而近期我哋就多咗去大嶼山,由東涌、大澳、昂坪、梅窩、愉景灣、迪士尼、長沙等等都一網打盡,希望‘跳出黑白的框框,尋找生活中的藍與綠’!

Read more