歷奇王國

問吓大家啦：「男/女朋友生日去邊度玩？」，唔知呢條問題對你黎講，難唔難答呢？我其實真係唔識答！海洋公園？迪士尼？蠟像館？都得嘅，但男人都係貪新鮮，呢啲又點會滿足到M佬追求嘅新奇、好玩、刺激呢？左搵搵，右搵搵，搵到喇！！一於帶佢去愉景灣玩啦！不過天寒地凍，唔駛旨意我會著比堅尼架喇，一於留喺室內啦！呢度就係全港最大嘅室內遊樂場：歷奇王國（Discovery Land），面積足足有成14,000平方呎，除咗適合小朋友之外，其實都啱M佬呢啲大細路架！