小香港快餐店 伯明翰黃金吧

我哋第一次去伯明翰,一落車感覺就好似返咗香港。因為呢度有好多香港人,身邊不時都聽到廣東話,但對於我哋嚟講,伯明翰真係有唔少港式餐廳,其中包括位於伯明翰火車站旁邊嘅Asia Asia Food Hall入面嘅黃金吧,餐廳嘅選擇唔少,絕對可以滿足久違嘅港式美食嘅願望。

Read more

百層酥皮蛋撻 灣仔檀島咖啡餅店

記得幾年前,有一位台灣朋友嚟香港,我問佢想食啲乜嘢,佢二話不說:「檀島咖啡餅店!」當時嘅我都係第一次食檀島咖啡餅店,聽朋友講,原來檀島咖啡餅店喺台灣都幾有名氣,佢嘅咖啡同蛋撻都幾出名!幾年之後,我同M佬嚟到灣仔嘅檀島咖啡餅店食早餐,發現除咗貴之外,食物質素只係一般般,同當年嘅感覺已經唔同晒。

Read more

必食蛋牛治 深水埗新香園

深水埗對於好多女仔嚟講,絕對係超容易盪失路嘅熱點,唔知你有無同感呢?話說A姐我有一日因為要去深水埗買嘢,喺唔識路嘅情況之下,依稀記得經過一間懷舊茶記,門口大大隻寫住「馳名蛋牛治」!但嗰日趕時間,所以無停低食下午茶。當隔咗一段時間之後,我嘅記憶只係剩返懷舊茶記,次次特登去搵但都搵唔翻!今日嚟到深水埗,我已經完全無咗呢回事,偏偏新香園大大隻寫住嘅「馳名蛋牛治」終於喺我面前再次出現,不過因為疫情無開門,好彩原來附近開咗新香園嘅分店,一於試試!

Read more

由老婆餅開始 上環恆香冰室

恆香老婆餅絕對係元朗,甚至係代表香港嘅伴手禮。雖然恆香老餅家喺港九新界有唔少分店,但想坐喺度慢慢嘆番件新鮮熱辣嘅老婆餅,再加杯茶香奶滑嘅奶茶慢活人生,依家喺上環就開咗全港第一間恆香冰室喇!恆香冰室除咗恆香最出名嘅老婆餅之外,仲有唔少唐餅、麵包、蛋撻同冰室茶檔美食,加上店內播放懷舊廣東音樂,充滿港式情懷。

Read more

食物種類多 灣仔無極冰廳

今日要食個快飯,再趕返去office開會。講到食快飯,就一定係去快餐店或者茶餐廳啦!路過灣仔,見到無極冰廳嘅選擇都幾多,又有越南嘢,又有川式小食,當然唔少得茶餐廳必備嘅常餐啦!之不過,咁多選擇,個廚房得唔得架?

Read more

沙牛麵早餐 觀塘沙嗲王

我成日都有一個迷思,沙嗲王最出名嘅係白咖哩豬扒飯,咁點解唔叫做咖哩王或白咖哩王呢?原來沙嗲王除咗白咖哩,佢嘅沙嗲都唔錯架!今日我就去到觀塘沙嗲王食早餐,當然要試試佢嘅沙嗲牛肉麵啦,味道都相當驚喜。不過,服務就麻麻哋喇!

Read more

簡單嘅二人晚餐 銅鑼灣波士冰室

近期熱門嘅Netflix劇集當然就係《魷魚遊戲》啦!我哋今晚決定喺屋企附近,搵間茶餐廳快快脆脆食個晚餐,再盡情返屋企煲劇喇!喺銅鑼灣嘅餐廳選擇其實好多,今日我哋就嚟到波士冰室,食一個簡簡單單嘅中式小菜晚餐。餐廳嘅晚餐餐牌每日都會更新,過幾日再嚟食都唔會悶啦!

Read more

嘆沙嗲牛肉麵 觀塘紅茶冰室

沙嗲牛肉麵絕對係各大茶餐廳早餐時段必有嘅選擇!好多被群祖推薦嘅沙嗲牛肉麵都係小店,連鎖店當中就只有紅茶冰室。喺觀塘返工嘅A姐已經尋訪咗多間茶餐廳,都未能尋找啱佢心水嘅沙嗲牛肉麵,最後嚟到紅茶冰室,原來呢度嘅沙嗲牛肉麵真係唔錯!

Read more

旅行拍拖食買玩 2日1夜長洲之旅

好多人放假都鍾意去長洲度假,因為長洲嘅配套、打卡、景點都係各離島之最,所以成為全香港最受歡迎嘅離島,沒有之一。但好多人去長洲都離不開春天睇櫻花、夏天去東灣泳灘,再去食大魚蛋、芒果糯米糍、紅豆餅同手卷等等,如果你嘅必玩推介仲係以上行程,不如今個假期就跟住A姐同M佬推介,重新認識最新嘅長洲食買玩攻略,一齊去長洲打卡啦!

Read more

堅守大排檔精神 必食沙嗲牛肉麵 長洲蓮香咖啡

傳統嘅冬菇亭大排檔喺香港已經所剩無幾,但原來喺長洲仲保留住一個!有長洲嘅老街坊就向我哋推介呢間屹立超過40年嘅蓮香咖啡,餐廳由第一代傳到第三代,八十後嘅老闆放棄文職工作,堅守大排檔情懷,為街坊保留熟悉嘅味道,更新增唔少嘅創意食物,讓大排檔加入青春活力。

Read more