堅守大排檔精神 必食沙嗲牛肉麵 長洲蓮香咖啡

傳統嘅冬菇亭大排檔喺香港已經所剩無幾,但原來喺長洲仲保留住一個!有長洲嘅老街坊就向我哋推介呢間屹立超過40年嘅蓮香咖啡,餐廳由第一代傳到第三代,八十後嘅老闆放棄文職工作,堅守大排檔情懷,為街坊保留熟悉嘅味道,更新增唔少嘅創意食物,讓大排檔加入青春活力。

Read more

強勢回歸沙嗲牛肉麵 荔枝角好好運快餐店

得到香港沙嗲牛肉麵關注組嘅推介,令荔枝角好好運快餐店成名,更被譽為可能係全港最好味嘅沙嗲牛肉麵添!當時我哋就趁舊店結業前,曾經朝聖過一次,佢嘅沙嗲牛肉真係非常濃郁,令我哋非常難忘。終於,期待已久嘅新分店強勢回歸喇,係時候要重溫好好運嘅沙嗲牛肉!

Read more

人氣沙嗲牛肉麵 元朗永順食店

近期跟住香港沙嗲牛肉麵關注組嘅推介,同A姐一齊尋訪香港各區嘅沙嗲牛肉麵,我哋分別去過港島代表嘅上環郁健快餐、九龍西代表嘅荔枝角好好運快餐店、九龍東代表嘅慈雲山榮記茶餐室,唔知你哋又有無去晒各區朝聖呢?今次我哋就嚟到新果西,呢區嘅代表就係位於元朗嘅永順食店,永順食店更加被譽為繼荔枝角好好運快餐店之後嘅另一高質推介。我哋星期六嘅朝早9點嚟到,雖然都有人龍,但因為餐廳座位多,所以唔駛排好耐,大約15分鐘就可以入座,試一試呢間名店嘅沙嗲牛肉麵啦!

Read more

人氣最強沙嗲牛肉麵 荔枝角好好運快餐店

究竟爛瞓嘅M佬有幾鍾意食沙嗲牛肉麵呢?就係可以朝早5:30起身,坐車過海,喺6:50開門前就嚟到香港沙嗲牛肉麵關注組推介,位於荔枝角嘅好好運快餐店喇!雖然我哋咁早嚟朝聖,但店前已經大排長龍,最後我哋排咗30分鐘至入座,終於試到呢碗可能係全香港最好味嘅沙嗲牛肉麵。

Read more

必食沙嗲牛肉 長洲陳通記

冬菇亭越嚟越少見,所以嚟到長洲一齊集體回憶吓啦!喺長洲嘅冬菇亭除咗有海鮮食,通記(亦稱:陳通記)嘅港式茶餐廳美食絕對推介。見到隔離枱叫咗西多士、鮮油多,好吸引呀!但係如果你要留肚嘅,喺通記最緊要食:沙嗲鮮牛肉通粉。

Read more