【保齡球場推介】香港6大必去保齡球場推介 跑馬地南華會/黃埔/沙田/屯門/荃灣/西貢
【保齡球場推介】週末諗唔到去邊度玩？又唔想日曬雨淋，大家可以考慮吓去「碌齡」打保齡球，絕對係室內好去處之一！我哋A姐M佬為大家整理咗6大香港各區保齡球場，即刻睇下香港各區保齡球場推介、簡介、地址、收費、價錢、開放時間等攻略！
Read more
沙田
【香港櫻花季2023】沙田城門河賞櫻花好去處地址、花期、交通打卡全攻略
【香港櫻花季2023】每次講起櫻花，唔知你係未同我哋一樣，心中都會哼起：「還記得櫻花正開」呢？嚟到春天就係賞櫻嘅季節，除咗日本、韓國同加拿大之外，其實香港都有唔少地方可以觀賞櫻花架，今日我哋就同春天有個約會，嚟到沙田城門河嘅安景街公園，同大家分享賞櫻嘅地址、花期、交通同打卡全攻略啦！
Read more
沙田午後飯聚 小確幸咖啡館
今日晏咗起身，食完早餐再做吓家務，原來已經過咗午飯時間。突然收到好姊妹嘅即興聚會，一於近近哋去到屋企附近嘅小確幸咖啡館。小確幸咖啡館坐得舒服，食物選擇又多，最重要係價錢非常親民。
Read more
嘆高質正宗韓牛韓燒 沙田馬場洞烤肉專門店
食韓燒又點可以無韓牛呢？想嘆抵食高質嘅韓牛除咗去韓國首爾馬場洞之外，原來沙田都有馬場洞烤肉專門店！馬場洞烤肉專門店嘅韓牛質素有保證，加上餐廳地方寬躺，枱與枱之間有一定距離，所以坐得舒服，環境唔錯。
Read more
【香港自駕遊好去處】自駕遊車中泊 下城門水塘主壩野餐
【香港自駕遊好去處 – 下城門水塘主壩】潮流興露營，所以繼上次去欣澳玩「車中泊」堤邊野餐（詳情）之後，今次就轉個場地，嚟到下城門水塘主壩再玩「車中泊」。我哋嘅「車中泊」同一般人唔同，因為過夜露營唔太啱瞓慣床嘅我哋，所以我哋嚟個車尾野餐Picnic，以滿足「車中泊」打卡願望，食吓嘢再飲吓嘢，真係好chill呀！
Read more
沙田絕密秘景 輕遊獅子亭
放假自駕遊，M佬帶我去到沙田遊車河！講起沙田，除咗大型商場同博物館之外，曾為沙田街坊嘅我，就推介大家沙田獅子亭喇！沙田獅子亭位於火炭半山，更被譽為沙田十景之一，大家可以喺沙田獅子亭居高臨下俯瞰整個沙田景色，日景夜景都好靚架！加上知道呢個秘景嘅遊客唔多，大家可以盡情打卡啦！
Read more
香港文化博物館全新常設展覽 瞧潮香港60+細味香港娛樂文化
曾被稱為「東方荷里活」嘅香港演藝界，曾經誕生過無數天皇巨星，無論電影、電視劇、電台節目、音樂唱片、舞台劇都喺亞洲舉足輕重。由80年代嘅殿堂級巨星、90年代嘅四大天王、00年代嘅人氣偶像同組合，至近期大熱，席捲全城嘅本土男團MIRROR，都煥發出一個又一個嘅光芒。想了解香港演藝界嘅娛樂圈歷史同文化，就可以嚟到香港文化博物館嘅全新常設展覽：瞧潮香港60+！
Read more
沙田十字架打卡朝聖 道風山基督教叢林
趁依家天氣仲未咁熱，一於把握機會，捉A姐行多幾次山啦！香港有唔少嘅山都係佛道二教嘅根據地，例如圓玄學院同寶蓮禪寺等等，但其實喺沙田就有一座基督教嘅名山：道風山！道風山基督教叢林以中國園林為建築特色，園內嘅十字架更加係地標，亦係近期熱門嘅郊遊打卡地點。最重要係一啲都唔難行，大概半個鐘就可以上到道風山，真係瞓到兩點先起步都未遲呀！
Read more
[沙田好去處] 親子無料主題公園 沙田史諾比開心世界
當我仲係BB嘅時候，第一隻收到屋企人送嘅公仔就係史諾比，而呢隻史諾比仍然喺屋企陪住我。到我大個咗之後，雖然我無特別鍾意史諾比，但總係有一個情意結。就趁今個weekend去到沙田新城市廣場嘅史諾比開心世界（Snoopy’s world）影相打卡啦！史諾比開心世界免費入場，除咗有史諾比、查理布朗、露西等吉祥物之外，仲有五大主題區，啱晒小朋友嚟呢度放電啦！
Read more
踩單車休息站 科學園WM Café & Bar
近排天氣好，最啱就係做運動，一於就同A姐挑戰全港最長嘅新界單車徑啦！呢條單車徑喺2020年9月全面開放，由屯門起點，經元朗、新田、上水、粉嶺、大埔、沙田，最後連接馬鞍山，全長達60公里。不過一向少運動嘅我哋又點可以踩足全程呢？所以我哋只係踩咗成段裏面最受歡迎嘅吐露港段。由沙田踩到大埔，中間經過嘅科學園就係今次嘅中途站，嚟到WM Café & Bar 食個午餐，補充體力啦！
Read more