泰國 Archives - A姐M佬玩樂日記 A and M Diary

好有泰國風味銅鑼灣靠炆雞

就咁聽靠炆雞呢個名，仲以為係食雞煲或炆雞呢啲中式嘢，原來靠炆雞係一間泰國餐廳，餐廳位處銅鑼灣同灣仔中間，餐廳面積唔大，餐廳無花巧設計，其實反而更有泰國地道感覺。

家住香港仔嘅A姐Y表妹，今日介紹我哋去舊大街食緬泰皇宮，仲話喺佢由細食到大嘅街坊名店，但再三提醒我哋一定要訂台，真係有無咁誇張呀！不過，我哋都乖乖聽話，一早訂定六位，同埋Y表妹一家食飯啦。到達餐廳，真係好多人，就算訂咗枱都要稍等，不過，啲嘢食真係好香，搞到我哋越等越肚餓喇。

台式珍珠奶茶飲得多，近期大熱嘅泰式珍珠奶茶又飲過未？A姐日又講夜又講，講到咁好飲，連我都忍唔住，趁今日一埸嚟到旺角，就去Thailax買杯試試。

港式邊爐，食過！台式邊爐，食過！韓式邊爐，食過！日式邊爐，食過！鍾情打邊爐嘅我哋，真係咩款式嘅邊爐都食勻，但泰式邊爐真係比較少。今日行過瓊華中心，派傳單姐姐好落力咁推介我哋試泰邊爐，仲話轉咗新Menu，見佢咁有試意，咁就上去試試泰式打邊爐啦。一入門口仲有好多水晶晶嘅店員同你講sawadee ka！

泰國菜從來都唔係我同M佬嘅大愛，但久唔久又會想去食，刺激一吓味蕾。香港嘅泰國菜選擇唔少，大部份人都會即刻諗起九龍城,，但呢間喺銅鑼灣登龍街V Point嘅焰淑泰國餐廳，份量多，仲係由泰國大煮主理，唔想過海食泰國菜，呢間都係唔錯選擇。

A姐成日都話好驚去旺角，人多車多，烏煙瘴氣，特別係夏天，行完之後成身汗。不過呢間位於波鞋街The Forest商場入面嘅青花係佢嘅近期最愛，佢話除咗有文青感覺，更難得以青草為設計，令佢喺旺角行完街都有舒閒嘅感覺。而青花主打泰國菜，味道都相當唔錯。今日就同M佬試咗呢個二人餐。

去茶餐廳就最鍾意食常餐，一碗沙嗲牛麵加雙蛋係我M佬嘅最愛選擇。但呢間喺旺角嘅阿來，主打嘅唔係常餐或中式碟頭飯，而係東南亞風味，用街坊價就食到星馬泰風味！

喺香港食泰國菜通常都係去九龍城架啦，但想食得架勢啲，又有海景做background嘅，今日M佬就帶我去咗尖沙咀海港城食泰國菜！望住個無敵海景，咁有情調，真係好有feel。

作為獨生子的M佬，小時候見到同學有兄弟姊妹，都要求過M媽多生個妹妹，好讓自己不用左手跟右手玩。現在你問我，我都會想自己有兄弟姊妹。見到以兄妹為主題的《大佬可以退貨嗎?》，二話不說必定要看。

因為M佬怕辣，所以我哋一向好少食泰國菜，耐到好似有成年無食過。今日返工嘅時候，同事猛話呢間位於銅鑼灣嘅金蘭花泰國餐廳唔錯，搞到我心郁郁今晚即刻試試。餐廳佔地全層，空間感十足，而且位處電車路旁邊，夠晒方便。