[香港Staycation] 持續更新 酒店最新優惠及入住情報

返工…放假…返工…放假…究竟有幾耐無去過旅行?不妨考慮book番搵間香港酒店,趁平平哋今個weekend就可以住吓,止吓旅行癮啦!近期各大香港酒店都推出Staycation優惠,部份3星酒店每房更低見HK$300,甚至連各大品牌嘅星級酒店都罕有咁推出優惠!A姐M佬就同大家share一吓近期嘅酒店優惠,甚至住埋一份,同大家睇吓究竟抵唔抵住!

Read more

[香港Staycation] 金鐘最靚游泳池 香港JW萬豪酒店

每年都會有唔同嘅紀念日,但今年慶祝紀念日嘅地點只限香港,其中Staycation可能係一個唔錯嘅選擇。今個Weekend Staycation我就同A姐嚟到想住好耐萬豪國際(Marriott International )旗下嘅JW萬豪酒店(JW Marriott),順便慶祝一吓我哋嘅第一次鬧交紀念日,其實只係想捉住夏天嘅尾巴,游吓水同俾自己休息吓都唔錯架!  

Read more

香港諾富特世紀酒店Staycation Package 「尋和味」日式海鮮自助晚餐Le Cafe

無得同A姐去日本慶祝生日,都要同佢搞啲小心思嘅。今次我就揀咗雅高酒店集團 Accor 旗下位於灣仔嘅香港諾富特世紀酒店Novotel Century Hong Kong,同A姐玩吓Staycation(詳情按此)。房間除咗提供浴衣以增加日本feel之外,嚟到酒店嘅全日餐廳 Le Cafe食自助晚餐,主題係「尋和味」 日式海鮮自助晚餐,主打和牛、刺身同生蠔等,勁易回本呀!

Read more

[香港Staycation] 日本浴衣和牛之旅 灣仔諾富特世紀酒店

上年生日,我答應過你今年會帶你去日本旅行,著住浴衣,參加花火大會。就算因為疫情,我都會履行我嘅承諾,所以我就選擇咗雅高酒店集團 Accor 旗下位於灣仔嘅香港諾富特世紀酒店 Novotel Century Hong Kong,同A姐玩吓Staycaton啦!呢個以日本為主題嘅「尋和味」一泊二食住宿Staycation,雖然無花火大會,但都可以著住浴衣,食吓和牛魚生,飲住清酒欣賞維港景色,當然,我仲會學幾句日文,等佢身在香港都有日本旅行feel啦!

Read more

[香港Staycation] 市中心出走輕度假 香港金域假日酒店

近期好多人都鍾意放假玩Staycaton,其實Staycation真係平有平玩,貴有貴玩。今個weekend,我同M佬嘅二人世界,就平平哋嚟到洲際酒店集團IHG Group旗下位於尖沙咀嘅香港金域假日酒店 Holiday Inn Golden Mile Hong Kong喇,呢個四星級嘅香港金域假日酒店,細細個就聽過呢個名,今次終於嚟試下!

Read more

[香港Staycation] 愛一個上威士忌課 海景嘉福洲際酒店

近期實在太多抵玩嘅Staycation選擇,睇到人花多眼亂,所以唔少酒店都推出唔同嘅主題,等識玩嘅你玩得更有深度。其中,位於尖東嘅海景嘉福洲際酒店 Intercontinental Grand Stanford Hong Kong 近期就推出咗「情迷威士忌」住宿計劃Malt & Stay Package,令到鍾意飲Whisky嘅M佬大為心動!如果你都對威士忌有興趣,或者好似我A姐呢啲剛入門接觸威士忌嘅初學者,呢個package都好適合你,因為酒店安排咗資深威士忌大使,帶領我哋深入淺出鑑賞同品味威士忌。

Read more

[香港Staycation] 見證一個時代的浪漫 香港萬麗海景酒店

香港各大酒店都先後推出唔同嘅「住宿+餐飲」Staycation優惠等大家喺香港都可以重拾旅遊嘅歡樂時光!而今個weekend我同A姐就揀咗萬豪國際 Marriott International 旗下位於灣仔嘅香港萬麗海景酒店(Renaissance Hong Kong Harbour View Hotel)。酒店雖然已經有超過30年歷史,而最近一次翻新就係2013年,好彩保養都做得唔錯,而且仲有唔少嘅驚喜入住體驗。

Read more

[香港Staycation] 站在全港最高的國度 香港麗思卡爾頓酒店

因為疫情,究竟有幾耐無去過旅行?又究竟有幾耐無放過假?疫情仍然肆弱,我哋當然唔可以鬆懈,但不知不覺疫情已成為生活嘅一部份,喺返工嘅同時,都要為生活加一點色彩!近期各大港酒店都推出Staycation優惠,價錢非常吸引,部份3星酒店更低見HK$300,但我哋覺得要住當然要住5星啦,因為房價嘅跌幅較大,以前要HK$3,000-4,000,依家HK$1500左右就有得歎番晚!所以今個星期嘅Happy Weekend,我同A姐就去咗住番晚香港麗思卡爾頓酒店 The Ritz-Carlton Hong Kong!

Read more

與威威共晉自助晚餐 香港海洋公園萬豪酒店

今個weekend同A姐去玩去癲,仲去住埋香港海洋公園萬豪酒店,玩咗2日1夜!既然有得玩、有得癲,又有得住,咁食呢?所以晚餐就近近哋,試埋酒店內嘅海灣餐廳及海灣咖啡室主打嘅buffet啦!呢度食物選擇非常多,海鮮仲係WWF指認嘅「環保海鮮」!而逢星期六、日及指定日子,一班海洋公園吉祥物仲會同我哋見面同影相添!

Read more

[香港Staycation] 去玩去癲親子度假遊 香港海洋公園萬豪酒店

除咗去玩、去癲嚟Ocean Park之外,依家去住都可以嚟Ocean Park喇!今個星期嘅Happy Weekend活動就同A姐去到海洋公園新開無耐嘅海洋公園萬豪酒店,雖然依家天氣涼浸浸無得游水,但住吓新酒店再試埋個buffet,一樣可以玩得好開心。(A姐話要等泳池開返再嚟過)

Read more