酒店世一自助早午餐 高質海港城太子酒店SAVVY

超驚喜嘅自助餐呀!話說,香港人嘅生日、紀念日、母親節同父親節等等嘅慶祝節日都好鍾意搵間酒店嘆自助餐,所以嚟到我哋嘅週年紀念日,我哋就揀咗位於尖沙咀海港城嘅太子酒店SAVVY,SAVVY全新裝修,環境舒適,而呢度嘅週末自助早午餐選擇除咗海鮮同好多驚喜嘅pass around食物之外,每位成人同行嘅1位11歲或以下之小朋友仲可享免費用餐優惠添,性價比超晒班呀!

Read more

[期間限定] 彼思動畫打卡攻略 尖沙咀海港城Pixar Fest

彼思(Pixar)嘅電影原來陪伴咗我哋好多年,由第一套動畫《反斗奇兵》,直至近期推出嘅《盛夏友晴天》,總共推出咗24部電影。我哋都好鍾意彼思嘅動畫,因為佢嘅電影除咗好笑,其實都好有深層意義。適逢今年係彼思動畫35周年,喺尖沙咀舉辦香港首個Pixar Fest!活動喺海港城唔同位置設有多個裝置,啱晒大家同動畫主角影相打卡啦!

Read more

2020年海港城海運觀點 浪漫夜遊聖誕燈飾花園

不知不覺嚟到聖誕節喇,又代表嚟到一年嘅尾聲,唔知呢一年大家過得點呢,雖然成年都被疫情影響,但希望大家可以苦中作樂,尋找到當中嘅一點甜啦!講起聖誕節,香港雖然無白色聖誕,但其實香港嘅聖誕節都好有特色,我哋會食聖誕大餐同睇燈飾,而每年嘅聖誕燈飾除咗尖東海旁一帶,仲有海港城。今年嘅海港城以「Christmas Every Day」為主題,主打聖誕燈飾花園,配合埋180度嘅維港夜景,真係好靚好浪漫呀!

Read more

[香港Staycation] 只有靚景嘅舊酒店 馬哥孛羅香港酒店

尖沙咀係香港一個熱門嘅旅遊點同商業區,所以呢區嘅酒店非常多,想玩Staycation嘅,呢區當然有唔少選擇!今次同M佬嘅Staycation主題,一於喺海港城唔睇價錢瘋狂shopping啦!呢個主題俾佢反完白眼之後,最終都係唔approve,我嘅計劃正式宣告失敗,我都係乖乖咁留喺今次入住嘅馬哥孛羅香港酒店啦!今次呢個馬哥孛羅香港酒店Staycation package主打貴賓室禮遇,所以一日三餐都可以喺呢度享用,即刻同大家分享今次嘅入住體驗啦!

Read more

[香港Spacation] 尋找泰國歎Spa嘅感覺 尖沙咀THANN Sanctuary Spa

講起去泰國旅行,按摩歎Spa絕對係指定動作,因為喺泰國按摩同做Spa除咗手勢好,最重要係好抵呀!加上香港人社會節奏急速,工作忙碌,甚至出現肌肉疲勞,所以做Spa真係可以舒緩一吓生活壓力。雖然今年無得出國旅行,但想歎正宗嘅Spa其實香港都有唔少選擇。今日我就帶M佬嚟到尖沙咀THANN Sanctuary Spa,重拾泰國歎Spa嘅感覺,等佢喺近期繁忙嘅工作下可以鬆一鬆啦(M佬:其實明明係你自己想做Spa之麻)!

Read more

韓國火鍋又點只步隊鍋 尖沙咀海港城The Joomak

邊個話韓國火鍋淨係得步隊鍋架?喺尖沙咀海港城嘅The Joomak推出秋冬暖身韓.鍋,由即日起至2019年2月28日,逢星期二全日供應期間限定90分鐘韓式火鍋放題,同A姐望住個無敵海景,睇住幻彩詠香江,再暖笠笠咁嘆打邊爐,真係好享受。

Read more

一碗幸福的拉麵 尖沙咀海港城蔦

有好多人覺得拉麵係簡單醫肚嘅選擇,但呢間位於尖沙咀海港城嘅蔦,就一啲唔簡單,因為佢係日本東京過江龍,係有名嘅「米芝蓮」一星食店。喺忙碌嘅工作之後,可以同A姐食碗暖笠笠又係期間限定嘅雞白湯底拉麵,我真係覺得自己好幸福呀!

Read more

維港靚景嘆拉麵 尖沙咀一幻拉麵

日本嘅知名拉麵品牌,喺香港越開越多,鍾意食拉麵嘅M佬每次知道有新開嘅拉麵店,都會第一時間帶我去潮聖。而呢間位於北海道札幌嘅人氣拉麵店:一幻拉麵,主打濃郁甜蝦湯底,次次喺新千歲機場都要食番碗先捨得返香港!其實早喺今年4月,一幻拉麵已經登陸灣仔,依家喺尖沙咀海港城開設第二間分店。除咗有全球限定嘅特濃蝦汁叉燒伴麵,最正係望住個維港靚景,令一碗明明應該係速食嘅拉麵,變得好享受。

Read more

海港城海景情調泰菜 尖沙咀藍象泰國餐廳

喺香港食泰國菜通常都係去九龍城架啦,但想食得架勢啲,又有海景做background嘅,今日M佬就帶我去咗尖沙咀海港城食泰國菜!望住個無敵海景,咁有情調,真係好有feel。

Read more

抱擁720度海景 尖沙咀六公館

M佬:我哋今日去抱擁720度海景! A姐:睇樓呀? M佬:我都想買間海景大屋俾你住,但今日我哋先去尖沙咀海港城食飯,望住呢個唯美嘅維港景,都特別好味啦。 邊度?就係海港城海運大廈嘅六公館,呢度主打細緻粵菜同埋情調酒吧,真係好有feel呀!

Read more