深度遊心靈一天團 香港宗教多元之旅

香港係一個宗教自由嘅地方,加上曾經為英國嘅殖民地,所以歷史上有唔少宗教團體都會植根香港,再面向中國;加上多元種族同文化背景,香港有超過三百萬人信奉唔同宗教。為咗了解更多有關香港嘅少數教派故事,我哋就參加咗Hong Kong Free Tours舉辦嘅香港宗教多元之旅一天團,走訪四間較少人認識嘅宗教:伊斯蘭教、印度教、耶穌基督後期聖徒教會(摩門教)同錫克教,深入宗教場所了解佢哋嘅故事,係一個充滿深度嘅旅行團呀!

Read more

綠色清真寺 半山些利街清真寺

土耳其有藍色清真寺,馬來西亞就有粉紅色清真寺,而香港就有綠色清真寺!講起香港嘅清真寺,第一時間一定會諗起全港最大,位於尖沙咀彌敦道嘅九龍清真寺。而呢間綠色清真寺,其實係位於中環半山嘅些利街清真寺,更係香港第一間清真寺。大家嚟到呢度,除咗可以影相打卡,更可以了解香港嘅伊斯蘭教歷史。

Read more