在地人米線推介 銅鑼灣金西南米線

唔准諗,即刻答,一個星期食幾多次米線?(A姐:3次以上)唔知點解,一碗熱辣辣,又酸又辣嘅米線,真係深得香港人喜愛,我哋嘅目標係食勻18區由在地人介紹嘅米線,繼上次灣仔同屯門嘅米線推介之後,今次我哋返到嚟銅鑼灣,去我哋經常幫襯嘅金西南米線。

Read more

灣仔在地人米線推介 成都小巷

香港人真係好鍾意食米線,所以我哋相信每一區都會有一間米線嘅代表作。繼上次試完屯門在地人介紹嘅雲貴風(詳情:https://wp.me/p8vzXP-59O),今次就輪到住喺灣仔嘅在地人介紹我哋去試試成都小巷。原來成都小巷除咗米線,夜晚仲有雞煲食添㗎!不過,今次午餐嚟到,我哋就先試吓佢哋嘅米線啦!

Read more

屯門在地人米線推介 雲貴風正宗雲南米線

香港人真係好鍾意食米線,除咗連鎖嘅米線餐廳,好似每一區都會有一間米線嘅代表舖頭。而我哋今日自駕遊嚟到屯門,在地人就介紹我哋呢間位於輕鐵新墟站同景峰站中間嘅雲貴風正宗雲南米線,一於試試啦!

Read more

尖沙咀一剎那嘅光輝 星林居酸辣米線餐廳

當年讀緊大學,同學仔帶我去到尖沙咀嘅星林居酸辣米線餐廳食我人生第一碗米線,仲記得當時碗米線熱辣辣,份量又超多,啲配料多到成座山咁,重點係價錢唔貴,所以曾幾何時,喺我嘅飯堂。食食吓開始多人幫襯,想食真係要排隊等位。到後來,唔知係未成本上升,定係佢見多人食啦,加價而且份量少咗好多,服務仲要勁差!我自己同身邊嘅朋友都好多年無食,今日路過,決定比多次機會佢。

Read more

太古城嘆滋補氣鍋雞 養生滇菜阿詩瑪壹菌

M佬:講起雲南菜你會諗起咩? A姐:酸辣米線!!我要3小辣!! M佬:…… 中國嘅八大菜系,分別有川菜(四川菜)、魯菜(濟南菜)、粵菜(廣東菜)、淮揚菜、閩菜(福建菜)、浙菜(浙江菜)、徽菜(徽州菜),數嚟數去都無滇菜(雲南菜)嘅,唔通滇菜真係得米線?因為雲南嘅地理位置鄰近四川,所以菜式都好相似。而雲南屬於中國西南地區,氣候温和,雨量充足,物種豐饒,所以滇菜講究鮮嫩,選材以山珍、菇菌為主。今日就帶A姐去太古城阿詩瑪壹菌,試吓除咗酸辣米線嘅滇菜啦。

Read more