瀾之茶居

以港式懷舊為裝修佈局嘅灣仔瀾之茶居，餐廳設計非常細緻，無論係花紋地磚、玻璃櫥窗都盡顯老香港情懷，就連牆上嘅海報、掛飾擺設都係店主嘅珍藏品，所以一踏進餐廳就好似回到花樣年華嘅世界。除咗一絲不苟嘅設計，店主對於食物出品同樣有份堅持，特登邀請名廚主理傳統點心同粵式小菜，務求為食客帶嚟高質體驗之外，原來背後仲有一個小故事。