,

【拉麵推介2024】香港10大必食拉麵推介 銅鑼灣/中環/灣仔/尖沙咀/旺角/大角咀

【拉麵推介 | 香港10大必食拉麵推介】日本拉麵絕對係我哋A姐M佬嘅Comfort food,一碗熱辣辣嘅拉麵,配上濃厚嘅湯底,條條拉麵掛湯,真係好滿足!我哋食過好多間拉麵,有唔少私心拉麵推介,快啲入嚟睇下香港10大必去拉麵推介!

Read more

台灣仔味道 灣仔饞。台式食堂

啱啱喺灣仔睇咗一套舞台劇,劇中嘅演員話,香港唔同嘅地區都有一種獨特嘅味道,而我相信灣仔嘅味道就係台灣古早味!嚟到灣仔嘅饞台式食堂,餐廳走台灣文青簡約設計,食物出品充滿台灣風味,滷水同油香十足嘅滷肉飯,加上茶味香濃嘅珍珠奶茶,非常滿足。

Read more

簡單卻很正宗泰菜 灣仔泰國簡單廚房

有時簡簡單單,唔會過於複雜,讓味蕾更能夠細味每種食物嘅本質,就係幸福嘅味道。嚟到灣仔嘅泰國簡單廚房,餐廳唔玩花巧,返璞歸真,從正宗嘅味道入手,以各種不同嘅香料調味,簡簡單單呈現正宗嘅泰國菜。

Read more

走進花樣年華 灣仔瀾之茶居

以港式懷舊為裝修佈局嘅灣仔瀾之茶居,餐廳設計非常細緻,無論係花紋地磚、玻璃櫥窗都盡顯老香港情懷,就連牆上嘅海報、掛飾擺設都係店主嘅珍藏品,所以一踏進餐廳就好似回到花樣年華嘅世界。除咗一絲不苟嘅設計,店主對於食物出品同樣有份堅持,特登邀請名廚主理傳統點心同粵式小菜,務求為食客帶嚟高質體驗之外,原來背後仲有一個小故事。

Read more

此湯只應天上有 灣仔鳥華亭拉麵

拉麵湯底一向都係豬骨湯嘅天下,但近年雞白湯慢慢抬頭,湯底濃而不油,清而香溢,深得食客喜愛。嚟到位於灣仔嘅鳥華亭拉麵,餐廳設計充滿日本風格,一入去就聞到濃香撲鼻嘅雞白湯味,試啖湯不禁覺得此湯只應天上有。

Read more

你都膠膠哋 灣仔癡膠雞

見到個標題又膠膠哋、又癡膠雞,唔通A姐同M佬鬧交?搞錯喇,只係我哋去咗灣仔嘅癡膠雞食藥膳養生米線姐!癡膠雞必叫嘅花膠雞湯底,落咗大量材料同高質花膠熬製,所以每啖湯都非常濃郁,食完成個嘴都膠膠哋呀!

Read more

宗教多元之旅 灣仔錫克教廟

唔知你哋有無聽過錫克教呢?錫克教起源於15世紀末嘅印度旁遮普地區,信徒多達2500萬,係世界現存最年輕嘅主流宗教,亦係世界第六大宗教。更加喺香港嘅保衛戰同開埠期間出力,直至依家,香港仍有超過1萬位信徒。為咗了解更多有關香港嘅少數教派故事,我哋繼上次嘅香港宗教多元之旅一天團,認識伊斯蘭教、印度教同耶穌基督後期聖徒教會(摩門教)之後,今次再度參加Hong Kong Free Tours旅行團,嚟到灣仔嘅錫克教廟,深入宗教場所了解佢哋嘅故事!

Read more

初嚐熟成壽司 灣仔寿司造

日本同台灣嘅便當真係好有心思,味道又好;但喺香港,大家食外賣通常都係追求快捷同方便,可能隨隨便便,填飽個肚就算。其實外賣都可以好有質素,而其中一間我哋就推介嘅就係寿司造喇!寿司造嘅食材由日本漁市場直送,加上由資深壽司師傅新鮮捏製,所以好評如潮,而繼沙田分店之後,喺灣仔開設第二分店。灣仔分店更推出三款限定嘅鮮魚熟成壽司,咩係熟成壽司?要試試先得!

Read more

百層酥皮蛋撻 灣仔檀島咖啡餅店

記得幾年前,有一位台灣朋友嚟香港,我問佢想食啲乜嘢,佢二話不說:「檀島咖啡餅店!」當時嘅我都係第一次食檀島咖啡餅店,聽朋友講,原來檀島咖啡餅店喺台灣都幾有名氣,佢嘅咖啡同蛋撻都幾出名!幾年之後,我同M佬嚟到灣仔嘅檀島咖啡餅店食早餐,發現除咗貴之外,食物質素只係一般般,同當年嘅感覺已經唔同晒。

Read more

寶萊塢的印度美味 灣仔Jo Jo Indian Cuisine

有唔少人,包括A姐都對印度菜卻步,全因為味道太濃,香料太多,屬於重口味嘅菜式。為咗令A姐改變呢個想法,今日我哋嚟到灣仔嘅Jo Jo Indian Cuisine,特別叫咗啲味道唔會太濃嘅代表性食物,等大家重新認識印度菜系嘅選擇其實好多,味道都好多元化。

Read more