潮聖韓國過江龍Cafe 海港城Terrace in Seaside

韓國被譽為Cafe之鄉,每次去韓國旅行,都會特登去一啲極具特色嘅cafe打卡。韓國嘅cafe文化其實都滲入香港,唔少過江龍嘅cafe喺香港開設分店,其中包括位於尖沙咀海港城嘅Terrace in Seaside。

Read more

雞翼放題自肥企画 中環Wingman

挑戰雞翼放題!大胃王M佬同雞翼控A姐,今日嚟到中環Wingman嚟個雞翼放題PK戰,輸咗嘅就要負責今個星期屋企大掃除啦!一入到嚟Wingman,就會見到好多港式設計,例如仿九龍皇帝墨寶、霓虹燈等等,玩味十足。我哋今日就叫咗10款雞翼放題,連汽水、檸檬茶同啤酒都任飲,夠晒抵食!唔講咁多,即刻挑戰!

Read more

過江龍炸雞Fighting 尖沙咀Outdark

有唔少過江龍嘅餐廳,挾住韓流人氣,而大受歡迎。但人氣過後,仍然深受大家追棒嘅,嗰啲就係叫實力!嚟自韓國過江龍嘅Outdark,以韓式炸雞成名,喺尖沙咀厚福街嘅H8多年,仍然屹立不倒,佢嘅炸雞真係又脆又Juicy㗎!

Read more

閔大人 豁出去

食極邪惡嘅炸雞,最重要當然係豁出去!但豁出去嘅理由,當然係要好味行先,咁先值得。嚟到位於土瓜灣嘅閔大人,餐廳主打韓式炸雞,多種醬汁可以選擇,好味之餘,仲要非常抵食,絕對係極具口碑嘅韓式炸雞選擇。

Read more

You’re my destiny 西營盤安客葱雞

一敲起「You’re my destiny…」諗起嘅唔係都敏俊,係炸雞呀!嚟到西營盤嘅安客葱雞,餐廳主打韓式料理,當中以酥脆嘅韓式炸雞為餐廳名物,加上大件夾抵食,充滿人氣!

Read more

冷門港鐵站搵食 大窩口明洞包車

喺港鐵系統內,總共有97個車站,如果要你數最冷門嘅港鐵站,相信大窩口肯定榜上有名,所以我哋決定去大窩口發掘好味道啦!本身以為大窩口一帶都係本地居民嘅住所,所以餐廳都應該以港式美食為主,但勢估唔到竟然搵到居港韓國人開嘅韓國餐廳,味道非常正宗呢!

Read more

連阿豬媽都好鍾意食 佐敦雞哥媽韓國料理

追韓星絕對唔係少女專利,我身邊嘅阿豬媽(即係A姐)等左兩年幾,終於等到放寬旅遊限制,佢話佢要即刻飛去韓國搵佢嗰啲Oppa喇!為咗隆重慶祝,阿豬媽話梗係要食返餐韓國菜黎慶祝一吓啦!我哋今日就去到佐敦嘅雞哥媽韓國料理,餐廳主打炸雞等韓式地道美食,甚有風味!

Read more

深入將軍澳 韓風OMG Chicken

將軍澳有唔少新樓盤同屋苑,今日嚟到呢區睇樓,睇吓姐,應該係無錢買嘅!哈哈!行咗好耐,真係餓到懷疑人生,所以今日決定食個快餐醫肚啦!澳南海岸有唔少餐廳,望住大海食飯,真係有少少澳洲嘅感覺呀!我哋就選擇咗走韓風嘅炸雞快餐店嘅OMG Chicken,呢個二人餐又幾抵食喎!

Read more

尖沙咀韓國街頭風 hoo韓國包車

以前我哋好鍾意星期五放工就拎埋個篋去旅行,呢個係青春嘅回憶呀!喺韓國嘅街頭,仲有唔少大排檔,絕對係夜媽媽嘅宵夜推介。雖然好耐無去過韓國,但原來呢種地道風味已經殺入尖沙咀,呢間位於厚福街嘅hoo韓國包車,除咗有韓式地道嘢食之外,餐廳仲設計成韓國街頭風,打卡都一流架!

Read more

全港唯一分店 旺角大力水手炸雞

以前喺香港機場上機前,A姐都好鍾意食大力水手炸雞(Popeyes),除咗因為趕時間上機,最緊要快靚正之外,更重要係機場曾經係大力水手炸雞嘅唯一分店,別無他選。大力水手炸雞其實源自美國路易斯安那州嘅新奧爾良,係全球第二大嘅炸雞專門店。不過,因應疫情,機場分店已結業,依家想食大力水手炸雞就只有位於旺角T.O.P嘅分店。

Read more