普普通通泰國菜 黃竹坑青咖哩屋

喺黃竹坑嘅南朗山熟食市場真係好有旅行feel,除咗因為南朗山熟食市場入邊有多間東南亞菜嘅選擇之外,亦有香港依家非常少見嘅中庭通風設計,配上三棵椰樹,真係令人覺得好似去咗東南亞嘅大排檔呀!我哋就揀選左南朗山熟食市場內嘅青咖喱屋,呢間泰國菜真心普普通通。

Read more

馳名秘製豬扒 尖沙咀華香園

海防道熟食中心係尖沙咀嘅平民飯堂,入面有大概10間大排檔選擇,除咗牛丸麵同餐蛋麵之外,入面仲有幾間大排檔標榜自己嘅豬扒遠近馳名,係海防道名物,但邊間先係最好味?我哋就喺海防道熟食中心幾間大排檔入面隨意揀咗華香園,試試佢哋嘅豬扒啦!

Read more

觀塘上班族必食 拿督星馬大飯店 

如果你未食過拿督星馬大飯店,就真係唔好話你喺觀塘返過工呀!拿督星馬大飯店位於觀塘碼頭熟食市場,每日只係做午市,所以大部份嚟幫襯嘅都係觀塘嘅上班族。加上拿督星馬大飯店價錢抵,食物又充滿南洋特色,好多傳媒都報導話好好味,所以A姐今日就同埋班同事嚟拿督星馬大飯店試試啦!

Read more

尖沙咀平民隱世食堂 海防道德發牛丸粉麵

「係咁先喇,下次再見啦!」經歷完兩年大裝修嘅尖沙咀海防道熟食中心,終於同大家再見喇!熟食中心入面有10間茶檔,大部份都係主打港式風味,其中德發牛丸粉麵絕對係卧虎藏龍,德發嘅牛什同牛丸係唔少街坊由細食到大嘅選擇,絕對係一種熟悉嘅好味道。

Read more

可能係全城至抵 觀塘德興車仔麵

平時食車仔麵,你哋會叫幾多個餸?我同A姐每次都習慣每人叫三或四個餸,然後再share食,價錢大概係$40左右。但今次嚟到觀塘嘅德興車仔麵,食12個餸都只係$40,但價錢平唔通每樣餸都只係得一舊?絕對唔係!呢碗車仔麵嘅份量超多,有可能係全城至抵食嘅車仔麵呀!

Read more

超嚡沙牛麵 九龍城樂園

喺唔少沙嗲牛肉麵關注組,除咗好好運同永順,位於九龍城市政大廈嘅樂園都有唔少人吹捧,當年蔡瀾食完甚至贈左一句:勝過鮑參肚翅!今日同A姐坐屯馬線嚟到九龍城,一於去樂園潮聖食碗沙嗲牛肉麵做tea啦!

Read more

抵食好味人氣車仔麵 銅鑼灣九記牛什粉麵

銅鑼灣有唔少名氣車仔麵,各有捧場客。但講到最得M佬歡心,一定唔少得位於鵝頸熟食中心嘅九記牛什粉麵。呢間車仔麵每逢中午時段一定大排長龍,為嘅就係九記嘅兩大名物:牛什同煎魚餅。想食嘅真係要早啲去,因為牛什真係好快賣晒㗎!

Read more

全城至平自助餐 新蒲崗順豐良心飯店

今日要介紹嘅呢間自助餐,無魚生、無牛扒、無生蠔亦都無甜品,但佢有嘅係良心!位於新蒲崗彩虹道熟食中心嘅順豐良心飯店,一直以嚟只做午市嘅港式自助餐,每位$32就可以任食小菜、白飯同例湯,係唔少藍領及弱勢人士嘅飯堂。

Read more

柴灣最好味沙牛麵 澤記快餐飯店

呠呠車出現咗啲小問題,所以趁下奏有時間,就拎咗去柴灣車房修理。喺修理等候期間,一於喺附近搵間茶記嘆份港式下午茶啦!好隨意就嚟到澤記快餐飯店,見網上食評都係推介澤記嘅巨大魚柳包,但因為午餐都未食,為咗飽肚就叫咗碗沙嗲牛肉麵,估唔到勁驚喜。

Read more

尋沙嗲牛肉麵 堅尼地城誠記

從前香港嘅大排檔冬菇亭都上晒樓,搬晒去市政大樓嘅熟食中心,所以熟食中心內有唔少餐廳臥虎藏龍。今日我同M佬繼續尋找好味嘅沙嗲牛肉麵,嚟到堅尼地城士美菲路熟食中心嘅誠記,呢度嘅沙牛麵值得推介。

Read more