白色聖誕

踏入12月，香港真係充滿聖誕氣氛，但講到最浪漫嘅聖誕節，當然就係白色聖誕啦！想過白色聖誕唔洗坐飛機嘅，坐火車就得喇！我哋嚟到大埔嘅白鷺湖互動中心，喺聖誕期間，呢度變身成為湖畔聖誕小鎮，除咗有啱晒打卡嘅10米高聖誕樹同聖誕老人之外，仲有攤位遊戲同工作坊，重點當然係飄雪效果啦！即睇十大打卡必玩全攻略，過一個濃厚氣氛嘅聖誕節。