石籬在地人米線推介 雲南小鍋米線

香港話大唔大,話細其實都唔細,唔知有無啲咩地方,你係從來都未去過呢?原來當你去到一個陌生嘅地方,真係好有旅行feel㗎!今日得到在地人米線推介,嚟到石籬附近嘅雲南小鍋米線。喺試呢個米線之前,我同M佬聽到「石籬」呢個地方都呆咗,因為我哋完全唔知石籬喺邊同點去㗎!結果我哋大鄉里出城,由葵興港鐵站跟住google map帶路出發,沿路經過工業邨,嚟到和宜合道一帶嘅小商店同小商場對我哋嚟講真係夠晒新鮮,但最深刻嘅就係當我哋攞住個google map四圍望,反而吸引到一對母子嘅注意,佢哋問我哋係未盪失路,可以幫我哋指示方向,呢種人情味竟然喺石籬搵得番。好喇,講番今日嘅主角:雲南小鍋米線。

Read more

灣仔在地人米線推介 成都小巷

香港人真係好鍾意食米線,所以我哋相信每一區都會有一間米線嘅代表作。繼上次試完屯門在地人介紹嘅雲貴風(詳情:https://wp.me/p8vzXP-59O),今次就輪到住喺灣仔嘅在地人介紹我哋去試試成都小巷。原來成都小巷除咗米線,夜晚仲有雞煲食添㗎!不過,今次午餐嚟到,我哋就先試吓佢哋嘅米線啦!

Read more

荃灣米線之都 荃昌新貴香園

被譽為米線之都嘅荃灣,真係周街都係米線嘅食店呀!今次嚟到呢間位於荃昌中心嘅新貴香園,雖然名氣唔算大,但就有唔少荃灣在地人推介,絕對係街坊先識得食嘅米線呀!望住個menu發現,湯底竟然有呢一款…

Read more

佐敦在地人米線推介 景霖正宗四川麻辣米線

我哋相信每一區除咗連鎖米線店,點都會有一間米線嘅代表作,所以我哋四出尋訪,推出咗在地人米線推介系列,等一班米線控同我哋一齊發掘最啱你口味嘅米線!繼屯門嘅雲貴風、灣仔嘅成都小巷、銅鑼灣嘅金西南米線之後,今次就得到佐敦在地人推介,嚟到呢間景霖正宗四川麻辣米線!如果你嗰區都有米線推介,就記住inbox話我哋知喇!

Read more

份量十足至愛小食 大角咀銘興山西刀削麵

贏在口感線嘅刀削麵,真係好好味!不過,有唔少刀削麵專門店係用機削或者一早削定,但大角咀嘅銘興山西刀削麵標榜純手工製作,即叫即削,真係好有誠意,而且刀削麵可揀冷拌、熱拌同湯麵三款選擇,任君選擇。不過今日A姐話佢唔想食澱粉質,所以我哋只係叫咗一碗刀削麵配大量小食,估唔到小食份量都唔少呀!

Read more

流淚行勝利道 占占酸辣米線

喺旺角行咗成日街,真係肚餓到流淚,所以坐火車返屋企之前就去食碗米線醫吓肚啦!喺勝利道嘅占占酸辣米線係我哋其中一間米線私竇,占占酸辣米線嘅酸辣比例好啱我哋口味,所以我哋嚟開呢頭,真係行過路過唔好錯過。

Read more

倫敦最大型嘅亞洲Food Court Bang Bang Oriental Foodhall

嚟到倫敦之後,要適應同處理嘅事好多,所以我哋通常都會食亞洲菜,以填補同滿足空虛嘅心靈。喺倫敦食亞洲菜一啲都唔難,想選擇多嘅不如去倫敦最大型嘅亞洲Food Court:Bang Bang Oriental Foodhall。呢度有超過20間食店,港式點心、日式拉麵、韓國風味,甚至台灣菜、四川菜、印尼菜、泰國菜等等都有!而我哋今日就試咗其中三間。

Read more

繼續尋找英國米線 倫敦Lucky Dog Chinese Restaurant & Takeaway

喺英國居住嘅香港人都有一個技能,就係人人都可以神還原三哥米線。不過,喺A姐仲未達成呢個技能之前,我哋繼續尋找英國嘅米線。今日就去到倫敦Brick Lane嘅Lucky Dog。Lucky Dog主打東北菜同川菜,當然唔少得今日嘅目標:砂鍋米線啦!

Read more

三眼仔叉燒蛋飯 上環孖沙茶餐廳

無論係頹飯之選嘅餐肉蛋飯定黯然銷魂嘅叉燒蛋飯,相信好多茶餐廳都有得食,所以就要搞搞小意思,咁就成為相機食先嘅餐廳啦!上環孖沙茶餐廳就簡單將餐肉蛋飯同叉燒蛋飯由二眼仔飯變成三眼仔飯,咁就輕易成為佢嘅代表作喇!不過,餐廳嘅位置唔大,坐得好密,喺疫情期間嘅風險就比較高喇。

Read more

平價抵食但中伏淡口味 鴨脷洲大街輝記車仔麵

食車仔麵都係鍾意濃郁嘅湯底配上香辣嘅醬汁,但呢間位於鴨脷洲大街嘅輝記車仔麵或許會令重口味嘅你失望。話說,我哋上網搵鴨脷洲必食推介時,就發現呢間輝記車仔麵。輝記車仔麵嘅價錢非常貼地親民,加上係小店,我哋絕對支持,只係唔太適合偏向重口味嘅我哋囉!

Read more