高質鐵板餐 北角冰室99

北角和富中心自從翻新咗之後,商場裏面多咗唔少餐廳選擇,所以M佬話要帶我去搵吓好嘢食。行過商場見到呢間冰室99,冰室99 menu上面嘅鐵板餐價錢夠晒抵,食完之後更加覺得CP值高,值得推介。

Read more

全港唯一分店 旺角大力水手炸雞

以前喺香港機場上機前,A姐都好鍾意食大力水手炸雞(Popeyes),除咗因為趕時間上機,最緊要快靚正之外,更重要係機場曾經係大力水手炸雞嘅唯一分店,別無他選。大力水手炸雞其實源自美國路易斯安那州嘅新奧爾良,係全球第二大嘅炸雞專門店。不過,因應疫情,機場分店已結業,依家想食大力水手炸雞就只有位於旺角T.O.P嘅分店。

Read more

尋沙嗲牛肉麵 堅尼地城誠記

從前香港嘅大排檔冬菇亭都上晒樓,搬晒去市政大樓嘅熟食中心,所以熟食中心內有唔少餐廳臥虎藏龍。今日我同M佬繼續尋找好味嘅沙嗲牛肉麵,嚟到堅尼地城士美菲路熟食中心嘅誠記,呢度嘅沙牛麵值得推介。

Read more

週末打卡遊坪州 食買玩最強策劃

放假去離島玩係唔少遊客嘅心水選擇,最受香港人歡迎嘅離島點少得長洲、南丫島同大嶼山呢?喺咁多個離島之中,曾為工業小島嘅坪洲經常俾人遺忘,所以相對寧靜,係一個適合大家慢活享受假期嘅小島。其實坪洲亦有唔少打卡景點、行山郊遊同人氣食店,真係玩大半日都冇問題。今日我就同A姐plan好行程,由坪洲玩到去愉景灣,嚟個周末打卡旅行團!

Read more

嘆廚師發辦 尖沙咀鮨鳶

晚市嘅堂食終於重開,而M佬亦都履行佢嘅承諾,同我補祝情人節同周年紀念日。要慶祝大節日,最緊要就係食得好,私隱度高同坐得舒服啦!M佬話成年幾冇飛過日本,所以佢就帶我嚟到尖沙咀嘅鮨鳶食廚師發板,滿足一吓返鄉下嘅願望。

Read more

抵食越南風味茶餐 中環鳴越Pho

午飯時間嘅中環,對於打工仔嚟講真係一個重大考驗,堂食大排長龍,等得位同叫埋嘢食,午飯時間可能冇咗一大半;諗住叫外賣,點知就漏單,或者行到返公司,盒飯都已經唔夠熱。食餐飯姐,都唔可以好好享受吓!如果公司午飯時間可以彈性處理,兩點後嘅時段除咗人少啲,有啲餐廳仲已經提供下午茶優惠,今日就同B同事,嚟到中環嘅嗚越Pho,輕輕鬆鬆咁食個晏。

Read more

勁玩泰國Feel 元朗Thai Market

今日M佬帶我遊車河,去到一個我聽都未聽過嘅地方:洪水橋(請原諒我孤陋寡聞)。途中見到寫住「Thai Market」嘅霓虹燈,又停咗部督督喺度,驟眼睇真係好似去咗泰國夜市呀!即刻叫M佬停車了解一吓,原來Thai Market係泰國餐廳,分為戶外同戶內,真係好有泰國feel呀!

Read more

必食招牌海南雞 太古城Chatterbox Express

邊個話食快餐店就唔駛追求質素㗎?今日同A姐嚟到太古城,一於試試嚟自新加坡文華酒店嘅過江龍 – Chatterbox Express!Chatterbox Express主打海南雞同新加坡菜,由於太古城分店係快餐店形式,所以比尖沙咀嘅cafe分店嚟講,價錢普遍會平少少,絕對係用一個快餐店嘅價錢試到酒店級嘅美食。

Read more

坪洲必食芝麻餅 A NOY麵包舖

喺坪洲行完最高嘅手指山之後,梗要搵啲小食醫吓肚啦!長洲最出名嘅小食係大魚蛋,而坪洲最出名嘅小食就係芝麻餅喇!位於坪洲永興街嘅A NOY 麵包舖除咗有各式港式麵包,當然仲有名物南乳芝麻餅。每逢南乳芝麻餅出爐,都會好多人排隊,真係手快有手慢就無。

Read more

人氣強就好味 坪洲祺森冰室

要數坪洲最受歡迎嘅食店,又點少得祈森冰室呢?我哋平日嚟到都要排長龍,就知佢嘅人氣一直高企啦!祈森冰室位於坪洲嘅商業區 – 永安街,呢度嘅招牌菜有吉列豬扒麵同遠近馳名嘅蝦多士,一於試試係咪值得排隊啦!

Read more