[5月生日飯食乜好] 10大放題抵食自助餐優惠 任食點心/海鮮火鍋/日韓放題/酒店自助餐推介

一年一度嘅生日飯就梗係要食得盡興啦,所以唔少人都鍾意食放題同自助餐慶祝生日!我哋就為大家整理咗全港10間氣氛唔錯嘅生日餐廳,推介任食點心、海鮮火鍋、日韓放題同酒店自助餐俾大家,依家預訂仲有唔少優惠,一齊為下個生日嘅朋友帶嚟美食小驚喜啦!

Read more

超抵食點心放題 倫敦Goldfish

喺倫敦食點心,閑閑哋都要£5一籠,所以喺英國食點心真係一啲都唔平,但勢估唔到有價有市嘅點心喺倫敦都有點心放題。我哋嚟到倫敦Hampstead嘅Goldfish,呢度嘅點心放題每位價錢都只係£22.8,蝦餃燒賣仲要係任叫任食,性價比超高,呢個點心放題真係非常滿足呀!

Read more

生日豪嘆Omakase 倫敦Cubé – Japanese tapas and sushi fine dining

嚟咗英國一個月,就遇著M佬生日,而慶祝生日就梗係要食好嘢啦!講到我哋最掛住嘅嘢食,就梗係日本菜啦,所以我就book咗呢間食Omakase嘅Cube同M佬慶祝生日。本身以為喺英國食日本菜好貴,Omakase就更加係離地食物,但Cubé – Japanese tapas and sushi fine dining嘅Omakase非常抵食,由日本廚師主理,性價比超班!

Read more

旺角無限時火鍋放題馬拉松 馬祖無限時台灣養生涮涮鍋

每次同朋友打邊爐,最怕就係有個店員行埋嚟同你講:仲有半個鐘!但我哋明明好似啱啱先開始食,真係食得唔夠過癮呀!如果你同我都有同樣嘅問題,可以考慮無限時嘅火鍋選擇。近期我哋就嚟到位於旺角嘅馬祖無限時台灣養生涮涮鍋,啱晒同樣鍾意慢慢食慢慢傾嘅你!

Read more

40年歷史嘅街頭小食店 倫敦La Creperie de Hampstead

以前喺香港行行吓肚餓,簡單快捷嘅頂肚小食,當然就係咖哩魚蛋同魚肉燒賣啦!但喺英國,啲英國人想頂肚,佢哋真係好少會一路行一路食嘢,至少都會入去coffee shop食個牛角包同嘆杯咖啡。咁其實倫敦有無街頭小食呢?街頭小食通常都係熱狗、Churros,仲有今日我哋特登去到Hamstead,主打Crepe嘅La Creperie de Hampstead。

Read more

日本餐廳食韓國菜 倫敦Udon Cafe

喺英國嘅超級市場買烏冬一啲都唔平,所以如果大家去開倫敦,可以帶幾包烏冬探我哋㗎!不過,未等到你哋嚟,我哋今日就去咗屋企附近嘅Udon Cafe食晚餐。一入到去就聽到老闆講廣東話,非常親切,然後我哋俾menu嘅石頭飯深深吸引住,本身諗住嚟食烏冬變咗食韓國大餐!但試問喺英國一間香港人開嘅日本餐廳食韓國菜係咩玩法呢?

Read more

[南丫島好去處] 最詳盡的南丫島郊遊、景點、交通、美食12大食買玩打卡熱點

南丫島有唔少外國人居住,所以一踏上南丫島就感覺到異國風情,好似去咗旅行咁,絕對係一個適合大家嚟休閒渡假嘅離島。南丫島係香港面積第四大嘅島嶼,設有多個碼頭往返市區,而今次我哋就由索罟灣出發,以榕樹灣為終點,為大家搜羅十二大南丫島食買玩嘅打卡熱點。

Read more

不得了的入口即溶和牛 銅鑼灣過江龍Yakiniku Kakura

Yakiniku Kakura係嚟自日本九州佐賀嘅過江龍燒肉店,喺黃埔開設香港首間海外分店之前,我同M佬都唔太認識呢間餐廳(我哋太孤陋寡聞喇)。但因為餐廳嘅和牛係嚟自評為高等嘅佐賀和牛,口碑同品質非常有保證!Yakiniku Kakura提供九州產極上A5等級嘅黑毛和牛,更供應唔少罕有嘅牛肉部位,今日我同M佬就嚟潮聖,試試傳說中的入口即溶啦!

Read more

隱世越南菜 倫敦Pho City

因為有朋友住喺倫敦嘅Greenwich,所以我哋一有時間,都會去佢哋屋企gathering架喇!喺每次gathering之前,我哋除咗會去超級市場買兩梳蕉之外,亦好鍾意去佢哋屋企附近嘅餐廳搵食。今次就搵咗間食越南菜嘅Pho City。Pho City雖然位置隱蔽,但係味道正宗,加上餐廳環境舒適,成為我哋推介嘅越南餐廳。

Read more

英國版大家樂 平嘆西餐Wetherspoon

英國當然無大家樂嘅一哥焗豬扒飯啦!但Wetherspoon係英國其中一間連鎖餐廳,分店超過900間,價錢平之餘, Menu以英式為主,絕對係英國人嘅Comfort food!除咗嘢食之外,Wetherspoon亦係一間酒吧,提供平價嘅啤酒,所以一去到睇英超嘅大日子,Wetherspoon都會好多人,氣氛非常熱鬧㗎 !

Read more