銅鑼灣$90點心放題 智選假日酒店聚盈樓

Family Day嘅節目又點少得一家大細去飲茶呢!我哋就推介位於銅鑼灣智選假日酒店嘅聚盈樓,聚盈樓近期推出午市點心放題,每位只要$90就可以任食點心90分鐘喇!重點係唔洗等位,點心選擇又超過30款,究竟抵唔抵食,味道又點呢?即刻睇吓本文內容推介啦!

Read more

嘆高質晚餐 觀塘Bella Shine

觀塘嘅日與夜分別真係好大,夜晚嘅觀塘,除咗多了一份寧靜,仲加添一份好味呢!話說觀塘俾唔少人嘅初感覺都係工廠林立,有好多茶記同快餐店,但其實尋求高質又有誠意嘅西餐,觀塘都有Bella Shine!觀塘嘅Bella Shine近期因推出90分鐘牛扒任食,而人氣高企。但其實餐廳嘅選擇非常多,我哋今日想咩都食啲,所以就叫咗A La Carte,非常有驚喜!

Read more

抵食工廈cafe 觀塘壹玖陸零

觀塘嘅工廈卧虎藏龍,其實有唔少隱世餐廳選擇,但最緊要係識搵好味嘅推介!嚟觀塘返工嘅A姐今日就約咗同事去到壹玖陸零食lunch,餐廳嘅定位唔貴,環境舒服,重點係食物嘅味道唔錯,CP值算高!

Read more

大尾督任燒任食BBQ 巴希雅海灣重慶燒烤

秋高氣爽除咗郊遊,又點少得BBQ呢?講起BBQ就一定會諗起大尾督,今日就踩單車入大尾督BBQ啦!喺大尾督有好多任燒任食嘅燒烤場,其中一間頗有名氣嘅就係巴希雅海灣重慶燒烤。巴希雅海灣重慶燒烤同平時嘅燒烤場好唔同,佢哋會先將食物用串吉好,形成串燒,大家可以好方便咁利用枱上嘅燒烤爐整熟,食得夠晒方便。

Read more

海鮮和牛半自助晚餐 觀塘鴻圖道Give Me 5

觀塘有唔少樓上餐廳,要突圍而出,就一定要夠gimmick!今次能夠吸引A姐M佬嘅餐廳,就係位於觀塘鴻圖道嘅Give Me 5。Give Me 5晚市推出半自助晚餐,除咗一份主菜,半自助餐區更提供即燒海鮮、海鮮冷盤、沙律、飲品同甜品,加上餐廳設有飛標機同桌球俾食客玩,令呢餐晚餐性價比高之餘,夠飽又夠chill!

Read more

食蟹季節又嚟喇 任食奄仔蟹放題 銅鑼灣大澳德發

嚟到10月,又係食蟹嘅季節喇!食蟹最緊要係食得盡興,所以我哋推介銅鑼灣嘅大澳德發!餐廳推出任食奄仔蟹放題,加上依家正值食蟹嘅季節,所以隻隻奄仔蟹都爆膏甘香,蟹肉鮮甜,價錢仲非常親民,蟹迷當然唔可以錯過啦!

Read more

旺角無限時火鍋放題馬拉松 馬祖無限時台灣養生涮涮鍋

每次同朋友打邊爐,最怕就係有個店員行埋嚟同你講:仲有半個鐘!但我哋明明好似啱啱先開始食,真係食得唔夠過癮呀!如果你同我都有同樣嘅問題,可以考慮無限時嘅火鍋選擇。近期我哋就嚟到位於旺角嘅馬祖無限時台灣養生涮涮鍋,啱晒同樣鍾意慢慢食慢慢傾嘅你!

Read more

海鮮都係蒸嘅好 銅鑼灣緣味小聚

新鮮嘅海鮮最啱就梗係蒸啦,蒸嘅海鮮非常鮮甜,而且夠晒原汁原味!但如果咁就叫滿足,少年未免太年輕喇!因為海鮮配上粥底火鍋,就完美吸收晒海鮮嘅精華。今日我哋就嚟到銅鑼灣嘅緣味小聚,嘆呢個霸氣阿拉斯加長腳蟹刁鑽海鮮蒸氣鍋,我哋由蒸海鮮,到打邊爐,最後以粥底作結,夠晒豐富呀!

Read more

超易回本北角歷山酒店自助餐 主打海鮮中菜宮廷氣派自助餐

香港人食自助餐,最鍾意一定係生蠔、魚生刺身同海鮮冷盤,今日嚟到位於北角歷山酒店嘅Cafe A,呢度除咗以上嘅選擇之外,我哋更推介絕不馬虎嘅中菜美食,其中勁花心思嘅松子魚就一定感受到廚師嘅功架!話晒能夠喺星級酒店嘆高質中菜同魚生海鮮,呢餐自助餐話咁易就回本啦!

Read more

光波爐韓燒放題 銅鑼灣韓牛牧場

好耐無食韓燒喇!今日就嚟到近期一直人氣高企,位於銅鑼灣嘅韓牛牧場。餐廳除咗提供香港少見嘅高質韓牛之外,更採用光波爐燒烤!用光波爐烤烤嘅好處係唔會太大油煙,就算食完之後,啲衫都唔會臭崩崩。加上光波爐嘅熱力平均,而且亦會自動旋轉,所以肉質非常juicy!

Read more