原來喇沙都有好多款 倫敦南洋菜Laksamania

平時都有食喇沙,一直以為喇沙只係得一款口味,最多係唔同餐廳可能會辣啲或鹹啲,但唔講唔知,原來南洋喇沙係根據地域有唔同口味㗎!喺倫敦嘅Laksamania就有多種喇沙,例如怡保喇沙、馬六甲喇沙、新加坡喇沙、檳城喇沙,甚至迎合倫敦人口味嘅倫敦喇沙等等,真係嚟足一星期先試得晒全部呀!

Read more

隱世越南小店 倫敦Eat Vietnam Bar B Grill

好耐無見喇,所以話英國絕對係一個重聚嘅地方!今日A姐就約咗個舊同事D姐見面,大家見面第一句係:「你肥咗呀!」係呀!大家咁多年無見,加上呢到好食好住,肥咗但亦都幸福咗!但係肥咗都要食好嘢,所以D姐帶年去到佢屋企附近嘅Eat Vietnam Bar B Grill食越南菜。

Read more

倫敦市中心任食韓燒 食肉獸天堂Kalbi Korean BBQ

喺倫敦最多香港人認識嘅任食韓燒,一定係位於New Malden嘅K-Town BBQ。不過,對於住喺倫敦北部嘅我哋嚟講,K-Town BBQ確實有啲遠,所以想食任食韓燒,其實市中心都有呢間Kalbi Korean BBQ。不過,Kalbi Korean BBQ嘅食物選擇無K-Town BBQ咁多,呢度主要係豬肉、雞肉同韓式熟食任叫任食。

Read more

伯明翰必食 香港車仔麵

茶餐廳喺英國唔難搵,但車仔麵真係非常少有,所以嚟到伯明翰當然要支持一吓真香港人開設嘅香港車仔麵,順便食番碗久違嘅車仔麵啦!伯明翰香港車仔麵嘅餸有19款選擇,連英國少見嘅豬皮同豬紅都有!但食車仔麵嘅重點當然係個醬汁啦,呢度都絕對唔會令你失望,我哋今次嚟到仲有驚喜添!

Read more

無盡嘅打邊爐癮 伯明翰奉蜀香苑

作為邊爐控,嚟到伯明翰當然都要搵間火鍋餐廳止吓癮啦!呢間喺伯明翰火車站旁邊嘅奉蜀香苑(New Tasty),唔洗加一,任食多款配料都係£18.99。以前喺香港嘅回本美食當然就係海鮮同和牛,但嚟到英國嘅回本食物當然就係亞洲食材,驚喜連英國少見又貴嘅菜心都有,超易回本呀!

Read more

小香港快餐店 伯明翰黃金吧

我哋第一次去伯明翰,一落車感覺就好似返咗香港。因為呢度有好多香港人,身邊不時都聽到廣東話,但對於我哋嚟講,伯明翰真係有唔少港式餐廳,其中包括位於伯明翰火車站旁邊嘅Asia Asia Food Hall入面嘅黃金吧,餐廳嘅選擇唔少,絕對可以滿足久違嘅港式美食嘅願望。

Read more

烏冬專門店 倫敦Koya City

英國有唔少日本餐廳,除咗壽司之外,烏冬都非常受歡迎。今日就約咗朋友去到主打烏冬嘅Koya City,餐廳嘅烏冬選擇好多,有Atsu-Atsu(熱湯烏冬)、Hiya-Atsu(冷烏冬配熱湯)、Hiya-Hiya(冷沾烏冬)、Hiyashi Udon(冷湯烏冬),完全估唔到喺英國都有咁多款烏冬選擇,唔知味係點呢?

Read more

英倫式茶餐廳 倫敦Cafe Anglais

Cafe Anglais嘅門面非常低調,無論係遊客定移英嘅香港人,都好容易錯過咗呢一間餐廳。其實Cafe Anglais係一間倫敦舊式嘅茶餐廳,餐廳定價唔高,食物就以英式傳統美食為主,價錢唔貴之餘,味道重要唔錯,但重點當然係一嘗傳統嘅英倫式茶餐廳啦!

Read more

盡情嘆日本菜 倫敦放題Sushimania

喺倫敦食日本菜一啲都唔平,所以想食得盡興就梗係食放題啦!喺倫敦食日式放題嘅餐廳選擇唔多,其中一間大受歡迎嘅日式放題,就係呢間連鎖餐廳:Sushimania!Sushimania嘅人頭收費大約£20,以呢個價錢嚟講,真係勁易回本!至於質素同食物選擇就睇我哋以下嘅真實分享啦!

Read more

倫敦港式快餐店 Duck Duck Goose Express

估唔到倫敦竟然都有港式快餐店!呢間Duck Duck Goose Express以少見嘅港式快餐店形式營運,睇完menu之後去cashier落order再攞餐,加上餐廳嘅香港電車相片,真係好似去咗食得夠尖嘅大快活呀!港式快餐店雖然無一哥焗豬扒飯,但都有阿活咖喱同燒臘飯。

Read more