可能係全城至抵 觀塘德興車仔麵

平時食車仔麵,你哋會叫幾多個餸?我同A姐每次都習慣每人叫三或四個餸,然後再share食,價錢大概係$40左右。但今次嚟到觀塘嘅德興車仔麵,食12個餸都只係$40,但價錢平唔通每樣餸都只係得一舊?絕對唔係!呢碗車仔麵嘅份量超多,有可能係全城至抵食嘅車仔麵呀!

Read more

超嚡沙牛麵 九龍城樂園

喺唔少沙嗲牛肉麵關注組,除咗好好運同永順,位於九龍城市政大廈嘅樂園都有唔少人吹捧,當年蔡瀾食完甚至贈左一句:勝過鮑參肚翅!今日同A姐坐屯馬線嚟到九龍城,一於去樂園潮聖食碗沙嗲牛肉麵做tea啦!

Read more

茶記港式小炒 數碼港金記冰室

A姐想睇嘅嗰套戲,原來就快落畫,應承咗同佢睇但又唔記得添,好彩仲有數碼港戲院呢個選擇!講真如果我哋唔係因為睇戲,都唔會特登走入嚟數碼港呢!嚟到夜晚嘅數碼港,餐廳選擇唔多,好彩仲有金記冰室,更真心覺得呢間金記嘅出品比其他金記更好味。

Read more

二人世界茶餐廳 炮台山時代冰室

每日放工之後,最開心就係見到M佬,同佢食餐晚飯,閒話家常,或者講吓當日喺公司發生過嘅趣事,過一個簡簡單單嘅二人世界。今日M佬話想食吓小菜,叫餸食飯,所以嚟到屋企附近,位於炮台山嘅時代冰室。呢到食物選擇多,小菜、鐵板、焗飯、常餐、泰式等等都有,選擇困難症嘅字母粉實好困擾啦!

Read more

浪漫港式快餐 柴灣金記冰室

每隔一段時間,我哋總會去食吓茶餐廳同冰室,因為港式食物其實潛移默化咁成為生活既一部份。加上港式餐廳內嘅食物選擇真係好多,無論係鑊氣小炒、鐵板、港式沙律等等都有,最啱一大班人嘅時候,想食乜都得。講起茶記冰室又點少得金記冰室呢?

Read more

糧尾沙嗲牛肉麵 觀塘家樂茶餐廳

喺觀塘鴻圖道一帶嘅工廠大廈區,隱藏唔少抵食嘅食堂,早餐$30都唔駛,午餐更加係$40有找,絕對係糧尾同月尾嘅首選呀!所以今日開工之前,一支公去到觀塘嘅家樂茶餐廳,嘆番個沙嗲牛肉麵!

Read more

高質抵食人氣店 炮台山半島冰室

一開始認識半島冰室皆因呢度係C同事嘅飯堂,住喺北角嘅佢基本上每個weekend都會嚟到呢度醫肚。後嚟半島冰室因為大件夾抵食,加上係良心小店,令到名氣越來越大。雖然每次經過都會俾佢嘅人龍嚇怕,但今日我哋決定成為人龍嘅一份子,試試呢間人氣熱點:半島冰室。

Read more

油麻地鮮甜燶湯 村爺爺龍蝦湯泡飯燉湯專家

近期轉天氣,就梗係要飲啲湯水啦!A姐雖然近期少咗煲湯,但想飲足料靚湯,我哋都會不約而同諗起油麻地嘅村爺爺龍蝦湯.泡飯.燉湯專家。村爺爺嘅湯除咗夠足料,仲有好多選擇,最重要係價錢一啲都唔貴,就可以嘆到花膠湯啦!

Read more

來一場肉餅之旅 元朗屏山老地方

唔知你哋有冇玩過情侶Bingo遊戲呢?例如問題係對方鍾意咩顏色,然後一齊講個答案出嚟,睇吓答得啱唔啱,就知道有幾了解對方啦!如果講中式小菜Bingo,A姐最鍾意一定係肉餅!所以食親飯,肉餅總是常出現,咁如果成間餐廳都只係得肉餅,唔知A姐又會唔會好興奮呢!今日我哋去到元朗嘅屏山老地方,呢間舖頭超過50款肉餅選擇,A姐話連續食50日都唔會厭。

Read more

懷舊良心餐廳 華富銀都冰室

華富邨係香港其中一條最早期又好有代表性嘅公共屋邨,呢度除咗有無敵海景,基本生活設施都有齊,當然唔少得有良心嘅餐廳啦!位於華富邨嘅華都冰室超過半世紀歷史,冰室嘅命名係因為「華富」個富字,代表有「銀」,而「都」就代表都市,寓意香港經濟起飛。

Read more