一生人一次 鳳凰山日出

小學讀常識科都有教過香港山多平地少,咁你又知唔知香港最高嘅三個山係邊幾個呢?太平山?馬鞍山?獅子山?等我依次序話你知正確答案啦:大帽山、鳳凰山、大東山。香港第二高嘅鳳凰山位於大嶼山,海拔高度934米,雖然比大帽山矮23米,但因為大帽山最高點係天文台同解放軍嘅禁區,所以鳳鳯山係一般市民可到達嘅最高點。好多行山友都鍾意嚟到鳳凰山睇日出同雲海,我哋雖然唔係行山常客,但我同A姐都決定挑戰自己,登上鳳凰山!天公做美,我哋好幸運睇到日出,見到呢個靚景,我哋覺得一生人總要嚟一次,但由於太攰,所以亦覺得一生人只會嚟一次。

Read more

週末閒遊 機場以外的赤鱲角

香港有咁多海島(總共有成263個島),咁你又唔知頭面積最大嘅三個島嶼係邊幾個呢?長洲?大嶼山?南丫島?等我依次序話你知正確答案啦:大嶼山、香港島、赤鱲角。赤鱲角經過填海後,取代南丫島成為三甲位置,而赤鱲角除咗機場客運大樓,酒店同禁區內嘅跑道之外,原來都有唔少秘景,不如今個weekend就去神探赤鱲角啦!

Read more

尋找被遺忘的村落 週末輕遊荔枝窩

荔枝窩位於船灣郊遊公園東北嘅海岸線,正對面就係吉澳(想了解吉澳有咩玩?詳情按此),以前想去荔枝窩,就要由鹿頸出發,大概9公里嘅路程,先入到村,所以被稱為:被遺忘的村落。但依家想去荔枝窩?就方便得多喇!

Read more

香港旅遊點的代表作 大嶼山昂坪天壇大佛

香港有好多唔同嘅旅遊景點,而香港旅遊發展局向外宣傳嘅旅遊片段,頭三名一定離不開太平山頂、維港夜景同位於大嶼山昂坪嘅天壇大佛。今日趁住好天氣,我同M佬坐昂坪360輕輕鬆鬆咁就嚟到喇!作為香港其中一個最重要嘅旅遊景點,天壇大佛嘅魅力之處又係咩呢?

Read more

龍脊郊遊徑 初級行山之選 連A姐都話易行

龍脊,Dragon’s Back,成日都聽過呢個名,不過就硬係未去過!! 無啦啦做咩叫龍脊? 因為遠望山峰好似有隻龍趴左喺度,面露出咗脊椎骨,同獅子山嗰名嘅由來係friend。 聽M佬話,龍脊郊遊徑實際地點係打爛埕頂山(284公尺)至雲枕山(266公尺)之間嘅一段山路,橫跨鶴咀半島。曾經喺2004年被時代周刊評為亞洲區「最佳市區遠足徑」,原因好簡單,因為起點交通方便,又唔難行,仲有好靚嘅view,係一條初級遠足嘅選擇。龍脊郊遊徑全長8.5公里,大約需時3小時,沿途無補給點,難度只係2星。

Read more