西洋菜南街

蔡生話火鍋只係將食材切好就放入湯底，係一個無文化價值嘅食物，所以應該消失……咁食沙律同魚生，豈不是侮辱自己個胃？其實，無論係港式火鍋嘅老火湯湯底、北京嘅銅鍋炭火清鍋底、四川重慶嘅九宮格火鍋、東北嘅酸菜亂炖火鍋…..都各有特式，作為熱愛火鍋嘅我哋，就係鍾意火鍋款式多樣化，唔同湯底嘅味道，仲有成班人一齊傾計同烚吓烚吓嘅樂趣，呢啲未就係火鍋嘅文化囉！我哋今日就去到旺角嘅Fun Fun串串鍋，試吓香港少見嘅重慶串串鍋味道。