尖沙咀豪嘆意大利菜 Theo Mistral By Theo Randell

上次A姐帶咗我去海景嘉福洲際酒店玩staycation,package仲包埋體驗60分鐘嘅威士忌大師班(詳情按此),令我對威士忌加深咗認識,而我哋仲試咗唔少威士忌添呀!但講到海景嘉福洲際酒店,又點可以唔試試佢哋間好出名嘅意大利餐廳呢?就當獎勵A姐今次staycation嘅安排,所以我哋晚餐嚟到由英國名廚Theo Randall主理嘅Theo Mistral by Theo Randall,佢雖然係英國人但有一顆意國心,聽聞佢仲係Jamie Oliver 嘅啟蒙大師添呀!

Read more

六國酒店Staycation Package 半自助午餐Le Menu

今次我哋嘅Staycation Package選擇咗性價比高嘅六國酒店(詳情按此)。除咗晚餐嘅極尚和風x澳洲和牛晚市任點任食放題(詳情按此)之外,我哋午餐都選擇咗喺酒店嘅Le Menu用餐,今日呢個半自助午餐,食物都唔錯,但最抵讚嘅係服務質素相當好!

Read more

灣仔The Pawn 外賣駕到

疫情期間,A姐日日都鑽研廚藝,煮咗好多好好味嘅家常小菜,但係佢嘅西餐技術仍然處於地獄廚神水平(我今晚又要跪玻璃喇)!食咗咁耐住家中餐,都想轉下口味食下西餐,一於叫外賣返屋企食啦!今次我哋選擇位於灣仔嘅人氣餐廳The Pawn,同A姐食番個住家燭光晚餐。

Read more

初心Cafe 大埔Homeland

時代嘅轉變無論幾大,都希望你嘅初心唔會轉變。初心亦都同樣適用於呢間位於大埔嘅Homeland,幾個年青人憑藉住佢哋嘅努力,開咗呢間象徵佢哋屋企嘅餐廳。6點鐘已經排晒隊,唔知味道又點呢?

Read more

慢活concept 將軍澳Coffee Art

今日同A姐放工後,去咗一個平時我哋比較少去嘅地方,就係將軍澳。嚟到將軍澳嘅新都城行吓街,雖然就無咩買到,但A姐話人少少,行吓睇吓都好舒服。而晚餐就隨意搵咗一間,今晚就選擇咗Coffee Art,簡簡單單食意大利粉啦!

Read more

阿仙奴球迷必去 旺角黃店Lockeroom Dining

有邊個男人唔鍾意睇波打機?都唔知道點解成日要三更半夜,飲住啤酒,食住薯片睇波?平時叫佢同我煲劇,就話眼瞓!今晚,佢話揀咗一間旺角朗晴坊嘅Lockeroom Dining食晚餐,一去到就見到餐廳擺滿咗阿仙奴嘅波衫,原來又係因為佢嘅波癮發作。最重要係呢間餐廳係黃店,播住願榮光歸香港,食物質素相當唔錯,要繼續懲罰佢!

Read more

人氣漢堡店 灣仔Burger Joys

人氣呢樣嘢,好簡單,喺疫情稍為緩和嘅時候,邊度出現人龍,就知大家有啲咩係好耐未食過又好想第一時間回味啦。今日我哋再次嚟到灣仔嘅Burger Joy,好彩一收工就嚟到,遲多幾分鐘已經大排長龍,究竟有咩吸引到我哋要嚟encore呢!

Read more

Life Must Go On 銅鑼灣Lo Spazio

呢段時間,香港人生活得都好苦悶,唔夠口罩但又驚買咗黑心口罩,想話去郊區呼吸新鮮空氣,但原來仲多人過市中心。所以我哋搵咗間小店餐廳,嚟到銅鑼灣嘅Lo Spazio,食吓西餐,輕輕鬆鬆度過我同A姐嘅某一個晚上。

Read more

如何回到當時 上水適雅餐廳

小學喺粉嶺讀書嘅A姐,佢成日同我話說當年。當年聯和墟街市仲未搬,呢個墟市車水馬龍,而適雅餐廳就有好多佢嘅回憶。當時嘅適雅餐廳喺北區絕對係名店,價錢一啲都唔平,只有考得好成績,A媽先會帶佢去食個lunch,慶祝一吓。時移世易,聯和墟嘅適雅餐廳搬咗去上水石湖墟,價錢仲好大眾化,今日就同佢回味一吓啦。

Read more

杏花邨新店 Oyster Princess

趁我哋嘅周年紀念日買返對情侶波鞋,所以今個weekend去到主打運動Outlet嘅杏花新城睇吓有無心水啦!買完嘢又係時候醫肚喇,杏花新城嘅餐廳唔少,但好多都係連鎖經營,難得見到呢間新開嘅Oyster Princess,門口仲有雪櫃售賣啲high quality嘅凍肉、海鮮同紅酒,一於試試。

Read more