初級郊遊行山之選 將軍澳小夏威夷徑

秋天不知不覺已經嚟到喇,最啱就係去郊遊啦。如果你好似我哋咁,不嬲都少行山,但又想影吓靚景,呢條小夏威夷徑就啱晒你,就算帶住小朋友,嚟個簡簡單單、輕輕鬆鬆嘅親子之旅都唔錯。小夏威夷徑唔算太長,沿路風景一流,仲可以遠眺將軍澳全景,當然記住去到蓮苑臺瀑布同小夏威夷瀑布影相打卡啦!

Read more

一生人一次 鳳凰山日出

小學讀常識科都有教過香港山多平地少,咁你又知唔知香港最高嘅三個山係邊幾個呢?太平山?馬鞍山?獅子山?等我依次序話你知正確答案啦:大帽山、鳳凰山、大東山。香港第二高嘅鳳凰山位於大嶼山,海拔高度934米,雖然比大帽山矮23米,但因為大帽山最高點係天文台同解放軍嘅禁區,所以鳳鳯山係一般市民可到達嘅最高點。好多行山友都鍾意嚟到鳳凰山睇日出同雲海,我哋雖然唔係行山常客,但我同A姐都決定挑戰自己,登上鳳凰山!天公做美,我哋好幸運睇到日出,見到呢個靚景,我哋覺得一生人總要嚟一次,但由於太攰,所以亦覺得一生人只會嚟一次。

Read more

週末閒遊 機場以外的赤鱲角

香港有咁多海島(總共有成263個島),咁你又唔知頭面積最大嘅三個島嶼係邊幾個呢?長洲?大嶼山?南丫島?等我依次序話你知正確答案啦:大嶼山、香港島、赤鱲角。赤鱲角經過填海後,取代南丫島成為三甲位置,而赤鱲角除咗機場客運大樓,酒店同禁區內嘅跑道之外,原來都有唔少秘景,不如今個weekend就去神探赤鱲角啦!

Read more